ຄະນະລູກຂຸນໃຫຍ່ຂອງນະຄອນນິວຢອກ ບໍ່ສັ່ງຟ້ອງນາຍຕຳຫລວດຜິວຂາວ ກໍລະນີລັອກຄໍຜູ້ຕ້ອງສົງໄສຊາຍຜິວ
ດຳທີ່ບໍ່ມີອາວຸດຈົນຕາຍ ຂະນະທີ່ເຈົ້າໜ້າທີ່ລາຍດັ່ງກ່າວພະຍາຍາມຄວບຄຸມຕົວເຂົາ ຖານຂາຍຢາສູບເຖື່ອນ.
ສຳນັກຂ່າວຕ່າງປະເທດລາຍງານ ໃນວັນທີ 4 ທັນວານີ້ວ່າ ສະຖານີໂທລະພາບ NY1 ຂອງສະຫະລັດ ໄດ້ລາຍງານໃນວັນ
ທີ 3 ຜ່ານມານີ້ ໂດຍອ້າງວ່າຄະນະລູກຂຸນໃຫຍ່ເຂດສະເຕເຕັນ ໄອສ໌ແລນ ໄດ້ຕັດສິນໃຈບໍ່ສັ່ງຟ້ອງຄະດີອາຍາຕໍ່ ທ່ານ
ດານຽນ ປັນຕາລີໂອ ນາຍຕຳຫລວດນິວຢອກ ໃນກໍລະນີການເສຍຊີວິດຂອງ ທ້າວ ເອຣິກ ກາເນີ ເມື່ອວັນທີ 17 ກໍລະ
ກົດທີ່ຜ່ານມາ ຈາກການຖືກຮັດຄໍຈົນຕາຍຄາທີ່ ຍ້ອນເຂົາຂາຍຢາສູບເຖື່ອນ ໂດຍທີ່ບໍ່ມີອາວຸດຕິດຕົວແຕ່ຢ່າງໃດ.
ການຕັດສິນໃຈຂອງຄະນະລູກຂຸນໃນຄັ້ງນີ້ ມີຂຶ້ນພຽງໜຶ່ງອາທິດ ຫລັງຈາກຄະນະລູກຂຸນໃຫຍ່ໃນເມືອງເຟີກູສັນ ລັດ
ມິດຊູຣີ ບໍ່ສັ່ງຟ້ອງຕຳຫລວດທ່ານໜຶ່ງ ທີ່ຍິງຜູ້ຕ້ອງສົງໄສຊາຍຜິວດຳເສຍຊີວິດຄາທີ່ ໂດຍທີ່ເຂົາບໍ່ມີອາວຸດໃດໆ ອັນ
ໄດ້ເປັນເຫດເຮັດໃຫ້ມີການປະທ້ວງຮຸນແຮງ ແລະ ລຸກລາມໄປໃນທົ່ວປະເທດ ຈາກຄວາມບໍ່ພໍໃຈໃນຄວາມບາດໝາງ
ທາງດ້ານສີຜິວພາຍໃນສະຫະລັດອາເມຣິກາ ທີ່ຝັງແໜ້ນມາຍາວນານ.