ທາງການຝຣັ່ງ ສັ່ງໃຫ້ບໍລິສັດແອັບເປິນ ຢຸດການຈຳໜ່າຍ iPhone 12 ເນື່ອງຈາກພົບວ່າມີການແຜ່ລັງສີຄື້ນແມ່ເຫຼັກໄຟຟ້າຫຼາຍເກີນໄປ ແລະ ໃຫ້ແກ້ໄຂຊຸດຫູຟັງທີ່ໄດ້ຈຳໜ່າຍຢູ່.
ANFR ໜ່ວຍງານດູແລຄື້ນວິທະຍຸຝຣັ່ງ ເປີດເຜີຍວ່າ ຈາກການທົດສອບໂທລະສັບ iPhone 12 ພົບວ່າໂທລະສັບລຸ້ນດັ່ງກ່າວ ມີການປ່ອຍຄື້ນແມ່ເຫຼັກໄຟຟ້າໃນປະລິມານທີ່ສູງເກີນກວ່າມາດຕະຖານຂອງເອີຣົບກຳນົດໄວ້ທີ່ 4,0 ວັດຕໍ່ກິໂລກຼາມ ໂດຍກວດພົບລັງສີຄື້ນແມ່ເຫຼັກໃນຮ່າງກາຍໄດ້ 5,74 ວັດຕໍ່ກິໂລກຼາມວັດຕໍ່ກິໂລກຼາມ ໃນຂະນະທີ່ໃຫ້ກຸ່ມທົດສອບຖືໂທລະສັບໃນມື ຫຼື ເກັບໄວ້ໃນກະເປົາເສື້ອ ຫຼື ຖົງໂສ້ງ.
ດັ່ງນັ້ນ ຈຶ່ງຈຳເປັນສັ່ງໃຫ້ບໍລິສັດແອັບເປິນ ໂຈະການຈຳໜ່າຍ iPhone 12 ໃນຝຣັ່ງທັງໝົດ ຕັ້ງແຕ່ວັນທີ 12 ກັນຍາ 2023 ເປັນຕົ້ນໄປ.
ຢ່າງໃດກໍຕາມ ອົງການອະນາໄມໂລກ ມີການລະບຸວ່າ ຜົນການສຶກສາຍັງບໍ່ພົບຫຼັກຖານວ່າການໃຊ້ໂທລະສັບເຄື່ອນທີ່ສົ່ງຜົນເສຍຕໍ່ສຸຂະພາບ ແຕ່ທາງໜ່ວຍງານດູແລຂອງຫຼາຍປະເທດ ຕ່າງກໍມີການກຳນົດຂອງການແຜ່ລັງສີແມ່ເຫຼັກໄຟຟ້າຂອງໂທລະສັບມືຖື ເພື່ອປ້ອງກັນຜົນກະທົບດ້ານສຸຂະພາບທີ່ອາດເກີດຂຶ້ນໃນໄລຍະຍາວ.
ແຫຼ່ງຂ່າວ France24