spot_img
Homeຂ່າວການຊ່ວຍເຫຼືອເຈົ້າແຂວງເຊກອງ ມອບເຄື່ອງຊ່ວຍເຫຼືອຄອບຄົວຜູ້ປະສົບເຄາະຮ້າຍຈາກອັກຄີໄພຢູ່ບ້ານດາກໂດມ

ເຈົ້າແຂວງເຊກອງ ມອບເຄື່ອງຊ່ວຍເຫຼືອຄອບຄົວຜູ້ປະສົບເຄາະຮ້າຍຈາກອັກຄີໄພຢູ່ບ້ານດາກໂດມ

Published on

ດ້ວຍຄວາມເປັນຫ່ວງເປັນໄຍຂອງການນໍາພັກ-ລັດ, ໃນວັນທີ 10 ກັນຍາ 2023 ທ່ານ ເຫຼັກໄຫຼ ສີວິໄລ ເຈົ້າແຂວງເຊກອງ ພ້ອມຄະນະນໍາຂອງແຂວງ, ເມືອງດາກຈຶງ ແລະ ບໍລິສັດ ໄດ້ນໍາເອົາເຄື່ອງຊ່ວຍເຫຼືອໄປມອບໃຫ້ຄອບຄົວທ້າວ ແກ້ວຊະວົງ, ທ້າວ ລິດ, ນາງ ລີສອນ, ທ້າວ ແສງນີວົງ ແລະ ທ້າວ ວິລະກອນ ປະຊາຊົນບ້ານດາກໂດມ ທີ່ປະສົບເຄາະຮ້າຍຈາກອັກຄີໄພ (ໄຟໄໝ້ເຮືອນ) ໂດຍມີຄະນະພັກ-ອົງການປົກຄອງບ້ານ ແລະ ພາກສ່ວນກ່ຽວຂ້ອງເຂົ້າຮ່ວມ.

ເຄື່ອງຊ່ວຍເຫຼືອທີ່ນໍາໄປມອບໃນຄັ້ງນີ້, ປະກອບມີຜ້າຫົ່ມ, ເສື່ອ-ສາດ, ປາກະປ໋ອງ, ໝີ່ໄວໆ, ເຄື່ອງໃຊ້ຄົວເຮືອນ, ເຂົ້າສານ, ສັງກະສີ, ເຫຼັກຕະປູ, ນໍ້າດື່ມ, ເກີບ ແລະ ເຄື່ອງນຸ່ງ-ຫົ່ມ ລວມມູນຄ່າ 40 ລ້ານກວ່າກີບ ພ້ອມງິນສົດ 20 ລ້ານກວ່າກີບ, ເຊິ່ງເຫດການໄຟໄໝ້ເຮືອ ແມ່ນເກີດຂຶ້ນໃນວັນທີ 8 ກັນຍາ 2023 ຜ່ານມາ, ສາເຫດແມ່ນເນື່ອງມາຈາກໄຟຟ້າພະລັງນໍ້າຂະໜາດນ້ອຍຂອງຄອບຄົວ ຫຼື ໄຟຟ້າໄດນາໂມ ລັດວົງຈອນ ເຮັດໃຫ້ເຄື່ອງໃຊ້ຄົວເຮືອນ ແລະ ພາຫະນະຮັບໃຊ້ ພາຍໃນເຮືອນເສຍ ຫາຍ ຄິດເປັນມູນຄ່າທັງໝົດ 1 ຕື້ກວ່າກີບ.

ໂອກາດນີ້, ທ່ານ ເຫຼັກໄຫຼ ສີວິໄລ ກໍໄດ້ສະແດງຄວາມເສຍໃຈຕໍ່ເຫດການທີ່ເກີດຂຶ້ນໃນຄັ້ງນີ້ ແລະ ຮຽກຮ້ອງໃຫ້ປະຊາຊົນມີສະຕິ, ມີແນວຄິດອຸ່ນອ່ຽງທຸ່ນທ່ຽງ ເຊື່ອໝັ້ນຕໍ່ການນໍາພາຂອງພັກ ແລະ ລັດ ກໍຄື ຄະນະພັກ-ອົງການປົກຄອງແຂວງ, ເມືອງ ແລະ ບ້ານ; ເຊິ່ງເວລາໃດກໍເປັນຫ່ວງເປັນໄຍຕໍ່ຊີວິດການເປັນຢູ່ຂອງປະຊາຊົນ ໂດຍສະ ເພາະແມ່ນຄອບຄົວທີ່ຖືກເຄາະຮ້າຍໄຟໄໝ້ເຮືອນໃນຄັ້ງນີ້ ຈຶ່ງໄດ້ປຸກລະດົມ, ຂົນ ຂວາຍບັນດາຂະແໜງການ, ບັນດາບໍລິສັດ-ລັດວິສາຫະກິດ ແລະ ບຸກຄົນ-ນິຕິບຸກຄົນ ນໍາເອົ່າເຄື່ອງຊ່ວຍເຫຼືອ-ວັດຖຸປັດໄຈ ໄປມອບໃຫ້ ເພື່ອເປັນການແບ່ງເບົາບັນເທົາທຸກ ແລະ ນໍາໄປຟື້ນຟູຄອບຄົວໃຫ້ກັບຄືນສູ່ສະພາບປົກກະຕິໂດຍໄວ.

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...