ປກສ ແຂວງບໍລິຄຳໄຊ ເຂົ້າທຳລາຍຕົ້ນກະທ້ອມທີ່ປະຊາຊົນລັກລອບປູກໄວ້

0
673

ວັນທີ 4 ກັນຍາ 2023 ນີ້ ກອງບັນຊາການ ປກສ ເມືອງ ປາກຊັນ, ແຂວງ ບໍລິຄຳໄຊ ພ້ອມດ້ວຍຫ້ອງການ ປກສ ບໍລິການ ປະຊາຊົນກຸ່ມເທດສະບານ 2 ໄດ້ລົງທຳລາຍພືດມີສານເສບຕິດ ຕົ້ນກະທ້ອມ 2 ຕົ້ນ ທີ່ປະຊາຊົນປູກໃນສວນຢາງພາລາ ຢູ່ທີ່ ບ້ານທົ່ງນ້ອຍ (ຄຸ້ມສອງຄອນນ້ຳງຽບ), ໂດຍຊ້ອງໜ້າການຈັດຕັ້ງບ້ານ ແລະ ເຈົ້າໜ້າທີ່ວິຊາສະເພາະທີ່ກ່ຽວຂ້ອງ ພ້ອມດ້ວຍເຈົ້າຂອງສວນ, ຜູ້ປູກ ເຂົ້າຮ່ວມ.

ໃນການຄົ້ນພົບພືດສານເສບຕິດໃນຄັ້ງນີ້ ທາງເຈົ້າໜ້າທີ່ໄດ້ຮັບການລາຍງານຈາກພົນລະເມືອງດີວ່າ: ຢູ່ບໍລິເວນຖຽງນ້ອຍ ໃນສວນຢາງພາລາດັ່ງກ່າວ ໄດ້ມີການລັກລອບປູກຕົ້ນກະທ້ອມ, ດັ່ງນັ້ນ ເຈົ້າໜ້າທີ່ຈຶ່ງໄດ້ກວດກາລົງຕົວຈິງ ແລະ ພົບວ່າມີການປູກແທ້.

ພາຍຫຼັງການສືອບສວນ ສອບສວນ ຈຶ່ງຮູ້ວ່າ ຜູ້ປູກໄດ້ຖືກຮັບຈ້າງກີດຢາງພາລາ ແຕ່ ປີ 2018 ພາຍຫຼັງເຮັດວຽກໄດ້ 1 ປີ ແລ້ວກັບບ້ານເອົາເບ້ຍຕົ້ນກະທ້ອມມາປູກ, ເຊິ່ງຜູ້ກ່ຽວໄດ້ປູກເພື່ອກິນເອງ ແລະ ກໍມີການຂາຍໃຫ້ກັບໄວລຸ້ນທີ່ຢູ່ໃກ້ຄຽງມາຫຼາຍຄັ້ງ.