ເປັນທີ່ນິຍົມຫຼິ້ນກັນຫຼາຍໃນໄລຍະທີ່ຜ່ານມາ ດ້ວຍການຫຼິ້ນ Filter ໃໝ່ໃນເຟສບຸກ ເຊິ່ງໃຊ້ຮູບຕົນເອງເຂົ້າໃນ Filter ດັ່ງກ່າວເພື່ອຈະປ່ຽນຮູບຕົນເອງໃຫ້ເປັນຮູບຮ່າງຂອງຄົນອື່ນ.

ຫຼ້າສຸດ ມີຜູ້ໃຊ້ເຟສບຸກຈຳນວນໜຶ່ງພົບວ່າ: ເມື່ອຫຼິ້ນ Filter ດັ່ງກ່າວແລ້ວ ເຟສບຸກສົ່ງຂໍ້ຄວາມການຢືນຢັນລະຫັດຜ່ານເຂົ້າມາ ນັ້ນໝາຍຄວາມວ່າມີຄົນພະຍາຍາມແຮັກເຟສບຸກເຮົາ ດ້ວຍການສຸ່ມລະຫັດຜ່ານ.

ທັ້ງນີ້ ຢາກໃຫ້ທຸກຄົນບໍ່ປະໝາດໃນການໃຊ້ແອັບພຣິເຄຊັ່ນ ຫຼື ການໃຊ້ Filter ຕ່າງໆໃນເຟສບຸກທີ່ອາດສ່ຽງຖືກແຮັກເອົາຂໍ້ມູນສ່ວນຕົວ ຮ້າຍໄປກວ່ານັ້ນແມ່ນແຮັກເຟສບຸກເອົາໄປຕົ້ມຕຸ໋ນຄົນອື່ນຕໍ່ ແລະ ການໃຊ້ເຫດການນີ້ກໍເຄີຍມີມາກ່ອນແລ້ວທີ່ຜູ້ໃຊ້ເຟສບຸກ ຫຼິ້ນ Filter ຈົນເຮັດໃຫ້ຄົນແຮັກເຂົ້າເຟສບຸກຕົນເອງໄດ້.

ຈຶ່ງຢາກຂໍແນະນຳໃຫ້ຜູ້ໃຊ້ເຟສບຸກ ໃຊ້ລະຫັດຜ່ານ 2 ຊັ້ນ ເພື່ອເປັນການປ້ອງກັນການແຮັກໃຫ້ແໜ້ນໜາຕື່ມ ແຕ່ຖ້າຄົນໃດທີ່ຫຼົງໄປຫຼິ້ນ Filter ດັ່ງກ່າວ ກໍຄວນທີ່ຈະປ່ຽນລະຫັດຜ່ານເຟສບຸກທັນທີ.