ບັນຫາເລື່ອງນອນເດິກ ນອນໜ້ອຍ ກໍເປັນສາເຫດຂອງການເກີດບັນຫາຜິວພັນໄດ້ເຊັ່ນດຽວກັນ ມື້ນີ້ຈະເອົາສາເຫດ ແລະ ວິທີການແກ້ໄຂບັນຫາ ໜ້າຂຸດໂຊມ ໝອງຄ້ຳ ເພາະຂາດການນອນຫລັບພັກຜ່ອນທີ່ພຽງພໍມາຝາກສາວໆ
ຂໍ້ເສຍຂອງການນອນໜ້ອຍ ກັບຜິວ
- ການສຶກສາພົບວ່າ ການທີ່ເຮົານອນໜ້ອຍ ເຮັດໃຫ້ຄວາມສາມາດໃນການເຮັດວຽກງານ ຂອງຊັ້ນຫລືບຫນັງ ຫລື ຜິວໜັງຊັ້ນນອກຫລຸດໜ້ອຍລົງ ເມື່ອເປັນເຊັ່ນນັ້ນ ຈະເຮັດໃຫ້ຜິວໜ້າຂາດຄວາມຊຸ່ມຊື່ນ ໜ້າຫ່ຽວໄວ ແກ່ກ່ອນອາຍຸ
- ການນອນຫລັບພັກຜ່ອນບໍ່ພຽງພໍ ເຮັດໃຫ້ຮ່າງກາຍ ບໍ່ສາມາດຊ່ອມແຊມສ່ວນທີ່ຂາດຫາຍໄດ້ຢ່າງມີປະສິດທິພາບ ເນື້ອເຍື່ອຕ່າງໆ ຈະບໍ່ສາມາດຟື້ນຟູໃຫ້ກັບມາຢູ່ໃນສະພາບທີ່ສົມບູນ ແລະ ເປັນເຫດໃຫ້ເກີດຈຸດດ່າງດຳ ເກີດຮ່ອງຮອຍ ຮ່ອງເລິກ ຜິວແຫ້ງ ຜິວໝອງຄ້ຳ ບໍ່ສົດໃສ
- ເປັນສິວໄດ້ງ່າຍ ເພາະສິ່ງທີ່ເປັນຕົວຈັບເຊື້ອແບັກທີເຣຍຂະໜາດນ້ອຍ ແລະ ສິ່ງແປກປອມຕ່າງໆ ໃນຜິວໜັງ ບໍ່ຢູ່ໃນສະພາບທີ່ພ້ອມ ກັບການປົກປ້ອງຜິວຈາກເຊື້ອພະຍາດພາຍນອກ ຄົນນອນບໍ່ພໍ ຈຶ່ງມີສິວຂຶ້ນງ່າຍຕາມໄປນໍາອີກ
- ຮ່າງກາຍມີພູມຄຸ້ມກັນທີ່ນ້ອຍລົງ ສົ່ງຜົນໃຫ້ເຈັບປ່ວຍໄດ້ງ່າຍ ສຸຂະພາບເບິ່ງຊຸດໂຊມ ເປັນທີ່ມາຂອງໜ້າ ທີ່ ຈືດ ບໍ່ສົດໃສ
ນອນແບບໃດເຖິງຈະດີທີ່ສຸດ
1.ນອນໃຫ້ຄົບ 8 ຊົ່ວໂມງຕໍ່ມື້ ໂດຍນອນຫລັບໃຫ້ສະໜິດ ບໍ່ລຸກຕື່ນຂຶ້ນມາລະຫວ່າງນອນ
- ນອນຫລັບໃນທີ່ໆ ມີຄວາມສະຫງົບ ງຽບ ແລະ ບໍ່ມີແສງໄຟຈະດີທີ່ສຸດ ເພາະສຽງດັງ ແລະ ຄວາມສະຫວ່າງ ຈະເຮັດໃຫ້ເຮົານອນຫລັບໄດ້ບໍ່ສະໜິດ
- ນອນຫລັບເວລາດຽວກັນເປັນປະຈຳ ເຖິງແມ່ນວ່າ ເຮົາຈະເປັນຄົົນທີ່ເຮັດວຽກເດິກ ແຕ່ຖ້າມີເວລາການນອນທີ່ຄົງທີ ຮ່າງກາຍກໍຈະສາມາດປັບຕົວໃຫ້ຄຸ້ນເຄີຍໄດ້ເອງ
ວິທີແກ້ໄຂ ສຳລັບຄົົນທີ່ນອນເດິກ ນອນບໍ່ພໍ ແລະ ເກີດບັນຫາໜ້າໂຊມ
- ໃຊ້ໝາກແຕງ ປາດເປັນແຜ່ນບາງໆ ແລ້ວແປະເອົາໄວ້ທົ່ວໜ້າ ຈະຊ່ວຍໃຫ້ຜິວທີ່ຂາດຄວາມຊຸ່ມຊື່ນ ໄດ້ຮັບນ້ຳລາຍຂຶ້ນ ເປັນການເຕີມນ້ຳເຂົ້າສູ່ຜິວໜ້າ ໃຫ້ຮູ້ສຶກສົດໃສ
- ໃຊ້ມາກເຢັນໆ ມາໃຫ້ໜ້າຊຸ່ມຊື່ນຂຶ້ນ ດ້ວຍການເອົາແຜ່ນມາກທີ່ເຄີຍໃຊ້ແລ້ວບໍ່ແພ້ ໄປແຊ່ຕູ້ເຢັນ ຈາກນັ້ນກໍນຳມາແປະໄວ້ ຄວາມເຢັນ ແລະ ສານບຳລຸງທີ່ມີຢູ່ໃນຕົວມາກ ຈະສາມາດຊ່ວຍໃຫ້ໜ້າຂອງເຮົາເບິ່ງສົດໃສຂຶ້ນມາໄດ້
- ການແກ້ໄຂຮອຍຄ້ຳກ້ອງຕາ ຈາກການນອນເດິກ ເຮັດໄດ້ຢ່າງວ່ອງໄວ ດ້ວຍການໃຊ້ເຄື່ອງສຳອາງ ປະເພດຄອນຊີນເລີມາທາປົກປິດໄວ້ ສາມາດແກ້ໄຂເລື່ອງຕາຄ້ຳເປັນແພນດ້າໄດ້ທັນທີ
- ໃຊ້ໂຍເກີດທີ່ແຊ່ຢູ່ໃນຕູ້ເຢັນ ມາພອກໜ້າເອົາໄວ້ ຈະຊ່ວຍເຕີ່ມນ້ຳເຂົ້າສູ່ຜິວໜ້າໄດ້ເຊັ່ນດຽວກັນ
- ດື່ມນ້ຳຫລາຍໆ ຢ່າໃຫ້ຜິວຂາດນ້ຳໂດຍເດັດຂາດ ໃຫ້ແນ່ໃຈວ່າ ດື່ມນ້ຳມື້ລະ 8 ຈອກ