ຄະນະແພດໃນອົດສະຕຣາລີ ດຶງພະຍາດຕົວກົມທີ່ຍັງມີຊີວິດຢູ່ ອອກມາຈາກສະໝອງຄົນເຈັບ ເຊິ່ງພະຍາດນີ້ປົກກະຕິຈະພົບໃນງູ.
ສຳນັກຂ່າວ ABC Australia ໄດ້ລາຍງານວ່າ: ຄະນະແພດໃນອົດສະຕຣາລີໄດ້ໃຊ້ວິທີເອັມອາໄອ (MRI) ກວດຄົນເຈັບຊາວອົດສະຕຣາລີ ເພດຍິງ ອາຍຸ 64 ປີ ໃນຕອນທຳອິດລາວມີອາການເຈັບທ້ອງ ຖອກທ້ອງ ເປັນໄຂ້ ແລະ ເຫື່ອອອກຕອນກາງຄືນ ຕໍ່ມາຈຶ່ງມີອາການຫຼົງໆລືມໆ ແລະ ຊຶມເສົ້າ ຈຶ່ງໄດ້ກວດພົບຮອຍໂຣກຜິດປົກກະຕິທີ່ສະໜອງສ່ວນໜ້າ ແລະ ພົບແມ່ພະຍາດຕົວກົມ ຂະໜາດ 8 ຊັງຕີແມັດ ຊື່ Ophidascaris robertsi ເປັນພະຍາດທີ່ມັກຈະພົບໃນຈິງໂຈ້ ແລະ ງູມເຫຼືອມ ແຕ່ຄັ້ງນີ້ເປັນຄັ້ງທຳອິດທີ່ພົບພະຍາດຊະນິດນີ້ໃນຄົນ ແລະ ເປັນຄັ້ງທຳອິດທີ່ພົບພະຍາດນີ້ຂຶ້ນສະໝອງຂອງສິ່ງທີ່ມີຊີວິດ.
ນັກວິໄຈສັນນິຖານວ່າ ຄົນເຈັບໄດ້ຮັບພະຍາດຈາກການເກັບພືດຜັກໃຫ້ບ້ານມາກິນ ເຊິ່ງອາດປົນເປື້ອນໄຂ່ພະຍາດທີ່ອອກມາຈາກອາຈົມຂອງງູ.