ເນື່ອງໃນໂອກາດວັນສະຖາປະນາ ສປປ ລາວ ຄົບຮອບ 39 ປີ (2/12/1975-2/12/2014) ໃນວັນທີ 1 ທັນວາ 2014
ການນຳພັກ-ລັດ ນຳໂດຍທ່ານ ຈູມມາລີ ໄຊຍະສອນ ເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນ
ປະຕິວັດລາວ ປະທານປະເທດແຫ່ງ ສປປ ລາວ ພ້ອມດ້ວຍທ່ານ ທອງສິງ ທຳມະວົງ ກຳມະການກົມການເມືອງສູນ
ກາງພັກ ນາຍົກລັດຖະມົນຕີ ແລະ ທ່ານ ທອງລຸນ ສີສຸລິດ ຮອງນາຍົກລັດຖະມົນຕີ ລັດຖະມົນຕີວ່າການກະຊວງ
ການຕ່າງປະເທດ ພ້ອມດ້ວຍພັນລະຍາ ບັນດາທ່ານລັດຖະມົນຕີວ່າການ ຊ່ວຍວ່າການ ໄດ້ເປັນກຽດຕ້ອນຮັບກ
ານເຂົ້າອວຍພອນຂອງບັນດາທູຕານຸທູດ ແລະ ອົງການຈັດຕັ້ງສາກົນຕ່າງໆ ປະຈຳລາວ.
ໃນໂອກາດວັນມີຄວາມໝາຍສຳຄັນນີ້ ທ່ານ ດາໂຕະທັນ ໄຕຮີງ ເອກອັກຄະລັດຖະທູດອາວຸໂສແຫ່ງປະເທດມາເລ
ເຊຍ ໄດ້ຕາງໜ້າກ່າວຊື່ນຊົມຕໍ່ຜົນງານລັດຖະບານລາວ ໃນການພັດທະນາເສດຖະກິດ-ສັງຄົມ ແລະ ການແກ້ໄຂ
ຄວາມທຸກຍາກ ທີ່ສາມາດບັນລຸໝາກຜົນ ໃນປີ 2014 ແລະ ຄວາມພະຍາຍາມໃນການບັນລຸເປົ້າໝາຍ ສະຫັດສະ
ວັດດ້ານການພັດທະນາ ໃນປີ 2015 ທ່ານທູດໄດ້ກ່າວວ່າ: ຜົນງານທີ່ພົ້ນເດັ່ນຂອງລາວ ແມ່ນສາມາດຮັກສາສະ
ຖຽນລະພາບທາງດ້ານການເມືອງ ສັງຄົມມີຄວາມສະຫງົບສຸກ ການປົກຄອງລັດດ້ວຍກົດໝາຍ ໂດຍຜ່ານການ
ປະຕິບັດແຜນພັດທະນາເສດຖະກິດສັງຄົມ 5 ປີ ໃນແຕ່ລະໄລຍະ ໂດຍອີງໃສ່ແຜນງານ ແລະ ນະໂຍບາຍປ່ຽນແປງ
ໃໝ່ຂອງລັດຖະບານ ແລະ ພັກປະຊາຊົນປະຕິວັດລາວ ພາຍໃຕ້ແຜນການ 5 ປີ ຄັ້ງທີ 7 ການສົ່ງເສີມສິດທິພື້ນຖານ
ຂອງປະຊາຊົນມີຄວາມຮັບປະກັນ ເຊິ່ງເປັນປັດໄຈພື້ນຖານໃນການພັດທະນາເສດຖະກິດ-ສັງຄົມຂອງທຸກປະເທດ
ໃນໂລກ.
ທ່ານຍັງກ່າວສະແດງຄວາມເຊື່ອໝັ້ນວ່າ: ສປປ ລາວ ມີຄວາມເອກອ້າງທະນົງໃຈ ໃນການສືບຕໍ່ປະຕິບັດແນວທາງ
ການຕ່າງປະເທດອັນສະເໝີຕົ້ນ ສະເໝີປາຍ ເພື່ອເສີມສ້າງສັນຕິພາບ ສະຖຽນລະພາບ ແລະ ການຮ່ວມມືສາກົນ
ໃນຫຼາຍລະດັບ ສປປ ລາວ ໄດ້ມີບົດບາດອັນສຳຄັນຍິ່ງໃນພາກພື້ນ ແລະ ໃນຂະບວນການສ້າງປະຊາຄົມເສດຖະກິດ
ອາຊຽນ ທີ່ສຳຄັນ ສປປ ລາວ ໂດຍມີຄວາມຕັ້ງໜ້າ ມີຄວາມຮັບຜິດຊອບສູງຕໍ່ພັນທະສາກົນ ເພື່ອຍົກສູງບົດບາດ
ຂອງຕົນຢູ່ໃນພາກພື້ນ ແລະ ໃນໂລກ ແລະ ເປົ້າໝາຍຫຼຸດພົ້ນອອກຈາກປະເທດດ້ອຍພັດທະນາ ໃນປີ 2020 ໃນ
ຄວາມເດັດດ່ຽວເປັນຈິດໜຶ່ງໃຈດຽວເພື່ອບັນລຸເປົ້າໝາຍ (MDGs) ພວກຂ້າພະເຈົ້າເຊື່ອໝັ້ນວ່າ ຄວາມພະຍາ
ຍາມອັນໃຫຍ່ຫຼວງດັ່ງກ່າວ ຈະເຮັດໃຫ້ລາວຫຼຸດພົ້ນອອກຈາກສະຖານະພາບ ປະເທດດ້ອຍພັດທະນາ ກ່ອນປີ 2020.
ໃນໂອກາດດຽວກັນ ທ່ານ ຈູມມາລີ ໄຊຍະສອນ ໄດ້ກ່າວສະແດງຄວາມຂອບໃຈຕໍ່ບັນດາທູຕານຸທູດ ແລະ ອົງການຈັດ
ຕັ້ງສາກົນ ທີ່ໄດ້ຊື່ນຊົມຕໍ່ຜົນສຳເລັດທີ່ລັດຖະບານລາວ ໄດ້ນຳພາປວງຊົນລາວທັງຊາດ ຍາດໄດ້ຜົນງານການພັດທະ
ນາເສດຖະກິດ-ສັງຄົມ ຕະຫຼອດ 1 ປີຜ່ານມາ ທ່ານປະທານປະເທດໄດ້ກ່າວຢ້ຳວ່າ: ປີ 2014ສປປ ລາວ ໄດ້ປະຕິບັດ
ແຜນພັດທະນາເສດຖະກິດສັງຄົມ 5 ປີ ຄັ້ງທີ 7 ທີ່ຈະສິ້ນສຸດລົງໃນປີ 2015 ນີ້ ເຫັນວ່າສາມາດບັນລຸສຳເລັດຢ່າງເປັນ
ຮູບປະທຳຫຼາຍດ້ານຄື: ສະຖຽນລະພາບດ້ານການເມືອງ ຮັບປະກັນຄວາມເປັນລະບຽບຮຽບຮ້ອຍໃນສັງຄົມ ເສດຖະ
ກິດມີການຂະຫຍາຍຕົວດ້ວຍຈັງຫວະຕໍ່ເນື່ອງ ຊີວິດການເປັນຢູ່ຂອງພໍ່ແມ່ປະຊາຊົນບັນດາເຜົ່າ ໄດ້ຮັບການປັບປຸງ
ໃຫ້ດີຂຶ້ນເທື່ອລະກ້າວ ລວມຍອດຜະລິດຕະພັນພາຍໃນເພີ່ມຂຶ້ນ 7,5% ທຽບໃສ່ປີ 2013 ຂົງເຂດການສຶກສາ ວັດທະ
ນະທຳ-ສັງຄົມ ໄດ້ມີຄວາມກ້າວໜ້າຂຶ້ນຕື່ມ ມາຮອດປັດຈຸບັນ ລາຍໄດ້ສະເລ່ຍໃສ່ຫົວຄົນ 1.692 ໂດລາສະຫະລັດ ຄອບ
ຄົວທຸກຍາກຍັງເຫຼືອ 8,11% ແລະ ແຂວງທີ່ບັນລຸຄາດໝາຍສູ້ຊົນ ຫຼຸດອັດຕາຄອບຄົວທຸກຍາກຂອງຄອບຄົວໃຫ້ຕ່ຳ
ກວ່າ 10% ໃນປີ 2014 ມີເຖິງ 10 ແຂວງຄື: ນະຄອນຫຼວງວຽງຈັນ ຈຳປາສັກ ແຂວງວຽງຈັນ ໄຊຍະບູລີ ຄຳມ່ວນ ຊຽງ
ຂວາງ ບໍລິຄຳໄຊ ຫຼວງພະບາງ ສະຫວັນນະເຂດ ແລະ ແຂວງສາລະວັນ ປັດຈຸບັນ ໄດ້ສຸມໃສ່ການປະຕິບັດເປົ້າໝາຍສະ
ຫັດສະວັດ ດ້ານການພັດທະນາໃຫ້ສຳເລັດ ໃນປີ 2015 ແລະ ສຸມໃສ່ການປະຕິບັດນະໂຍບາຍ 3 ສ້າງ ດ້ວຍຜົນສຳເລັດ
ຕາມລະດັບຄາດໝາຍ.
ຜົນງານທີ່ ສປປ ລາວ ຍາດມາໄດ້ນັ້ນ ກໍ່ເປັນການປະກອບສ່ວນຢ່າງຈິງໃຈຂອງບັນດາປະເທດເພື່ອນມິດ ແລະ ອົງ
ການຈັດຕັ້ງສາກົນ ອັນມີຄວາມໝາຍສຳຄັນຍິ່ງ ໃນການເພີ່ມກຳລັງແຮງ ເພື່ອຫັນປະເທດອອກຈາກຄວາມດ້ອຍ
ພັດທະນາ ໃນປີ 2020 ເຊື່ອໝັ້ນວ່າ ບັນດາທ່ານທີ່ໄດ້ປະຕິບັດໜ້າທີ່ການທູດຢູ່ ສປປ ລາວ ຈະສືບຕໍ່ສະໜັບສະໜູນ
ແລະ ຮ່ວມມືຊ່ວຍເຫຼືອແກ່ລັດຖະບານລາວ ເພື່ອພ້ອມກັນເສີມສ້າງສັນຕິພາບ ມິດຕະພາບ ແລະ ການຮ່ວມມືການ
ພັດທະນາທີ່ຍືນຍົງໃນພາກພື້ນ ແລະ ໃນໂລກຕໍ່ໄປ.
ປີ 2015 ທີ່ຈະມາເຖິງ ເປັນປີມ້ວນທ້າຍຂອງການປະຕິບັດແຜນການ 5 ປີ ຄັ້ງທີ 7 ກໍ່ຄືການບັນລຸເປົ້າໝາຍສະຫັດສະ
ວັດດ້ານການພັດທະນາ ທັງເປັນປີທີ່ ສປປ ລາວ ຈະໄດ້ເຂົ້າຮ່ວມໃນປະຊາຊົມເສດຖະກິດອາຊຽນ ອັນນີ້ເປັນໜ້າທີ່ອັນ
ໜັກໜ່ວງ ສຳລັບພວກຂ້າພະເຈົ້າ ພັກ ແລະ ລັດ ພວກຂ້າພະເຈົ້າມີຄວາມເຊື່ອໝັ້ນວ່າ ປີ 2015 ທີ່ຈະມາເຖິງນີ້ ສປປ
ລາວ ຈະໄດ້ຮັບຜົນສຳເລັດໃຫຍ່ຫຼວງກວ່າເກົ່າ ຍ້ອນວ່າ ທົ່ວພັກ ທົ່ວລັດ ແລະ ປວງຊົນລາວ ຈະໄດ້ເຂົ້າຮ່ວມບັນດາຂະ
ບວນການແຂ່ງຂັນຮັກຊາດ ແລະ ພັດທະນາຢ່າງແຂງແຮງ ຟົດຟື້ນ ແລະ ຕໍ່ເນື່ອງ ເພື່ອຄຳນັບຮັບຕ້ອນວັນສ້າງຕັ້ງ
ພັກປະຊາຊົນປະຕິວັດລາວ ຄົບຮອບ 60 ປີ ແລະ ວັນສະຖາປະນາ ສປປ ລາວ ຄົບຮອບ 40 ປີ ດ້ານໜຶ່ງອີກ ກໍ່ເຊື່ອວ່າ
ຈະໄດ້ຮັບກຳລັງແຮງຈາກພາຍນອກເພີ່ມຂຶ້ນ ຍ້ອນການສືບຕໍ່ປະຕິບັດແນວທາງການຕ່າງປະເທດ ອັນສະເໝີຕົ້ນ
ສະເໝີປາຍຄື: ສັນຕິພາບ ເອກະລາດ ມິດຕະພາບ ແລະ ການຮ່ວມມື.
ປີໃໝ່ສາກົນ 2015 ໃກ້ຈະໝູນວຽນມາໃນບໍ່ດົນນີ້ ໃນທ່າມກາງບັນຍາກາດແຫ່ງໄມຕິຈິດ ມິດຕະພາບຂອງການພົບ
ປະກັນໃນຄັ້ງນີ້ ຂ້າພະເຈົ້າ ຂໍຕາງໜ້າໃຫ້ການນຳຂອງພັກ ແລະ ລັດ ກໍ່ຄືປະຊາຊົນລາວ ແລະ ໃນນາມສ່ວນຕົວ ອວຍ
ພອນໃຫ້ບັນດາທ່ານທັງຫຼາຍ ທີ່ມາຮ່ວມໃນພິທີນີ້ ຈົ່ງມີສຸຂະພາບເຂັ້ມແຂງ ມີພາລະນາໄມສົມບູນ ມີຄວາມສຸກໃນຊີ
ວິດສ່ວນຕົວ ແລະ ຄອບຄົວ ປະສົບຜົນສຳເລັດໃນໜ້າທີ່ອັນມີກຽດຂອງພວກທ່ານ ພ້ອມນີ້ ກໍ່ຂໍເພິ່ງບັນດາທ່ານ ສົ່ງ
ຄວາມຢ້ຽມຢາມຖາມຂ່າວອັນອົບອຸ່ນ ແລະ ຄຳອວຍພອນປີໃໝ່ອັນປະເສີດ ໄປຍັງປະມຸກລັດ ຫົວໜ້າລັດຖະບານ
ແລະ ປະຊາຊົນຂອງປະເທດພວກທ່ານ ກໍ່ຄືການນຳຂອງອົງການຈັດຕັ້ງສາກົນທີ່ພວກທ່ານສັງກັດ ຂໍໃຫ້ມິດຕະພາບ
ສັນຕິພາບ ແລະ ການຮ່ວມມືເພື່ອການພັດທະນາ ລະຫວ່າງບັນດາປະຊາຊາດ ຈົ່ງຍືນຍົງຕະຫຼອດໄປ.
ແຫລ່ງຂ່າວ: ວຽງຈັນໃໝ່