ຍີ່ປຸ່ນເລີ່ມປ່ອຍນ້ຳເສຍທີ່ໄດ້ຮັບການບຳບັດແລ້ວຈາກໂຮງງານໄຟຟ້າພະລັງງານນິວເຄຼຍຟຸກຸຊິມະ ລົງສູ່ມະຫາສະມຸດປາຊີຟິກແລ້ວມື້ນີ້.
ໃນວັນທີ 24 ສິງຫາ 2023 ໂຮງໄຟຟ້ານິວເຄຼຍຟຸກຸຊິມະ ໄດອິຈິ ທີ່ປະສົບໄພສຶນາມິໃນ 12 ປີກ່ອນ ເລີ່ມປ່ອນນ້ຳປົນເປື້ອນສານເຄມີກຳມັນຕະພາບລັງສີ ທີ່ຜ່ານການບຳບັດ ແລະ ເຈືອຈາງ ລົງສູ່ມະຫາສະມຸດປາຊີຟິກ.
ຜູ້ບໍລິຫານຂອງບໍລິສັດໂຮງໄຟຟ້າແຫ່ງນີ້ ໄດ້ກ່າວວ່າ ມີການທົດສອບຂັ້ນສຸດທ້າຍຂອງບໍລິສັດໄດ້ຜ່ານມາດຕະຖານຄວາມປອດໄພແລ້ວ ແລະ ເລີ່ມເປີດສະວິດເຄື່ອງສູບນ້ຳໃນເວລາ 13:00 ໂມງ ຕາມເວລາທ້ອງຖິ່ນ ເພື່ອເລີ່ມການປ່ອຍນ້ຳເສຍຈາກໂຮງໄຟຟ້າລົງສູ່ມະຫາສະມຸດ ຜ່ານອຸໂມງໃຕ້ນ້ຳ.
ທັ້ງນີ້ ມີບາງປະເທດກໍຈຳກັດການນຳເຂົ້າອາຫານທະເລຈາກຍີ່ປຸ່ນເປັນທີ່ຮຽບຮ້ອຍ ເຊັ່ນ ຈີນ ຮົງກົງ ແລະ ເກົາຫຼີໃຕ້ ຍ້ອນຄາດວ່າສັດນ້ຳຈະປົນເປື້ອນສານພິດ.
ແຫຼ່ງຂ່າວ CNN