ແມນເຊັດເຕີ ຢູໄນເຕັດ ປະກາດຍົກເລີກສັນຍາກັບ ເມສັນ ກຮີນວູດ ຢ່າງເປັນທາງການ

0
1331

ໃນວັນທີ 21 ສິງຫາ 2023 ຜ່ານມາ, ທາງສະໂມສອນບານເຕະ ແມນເຊັດເຕີ ຢູໄນເຕັດ ອອກຖະແຫຼງການແຍກທາງກັບ ເມສັນ ກລີນວູດ ນັກເຕະດາວຣຸ່ງອາຍຸ 21 ປີ ທີ່ເຄີຍມີຄະດີທຳຮ້າຍຮ່່າງກາຍແຟນສາວ.

ໂດຍຕ່າງຝ່າຍຕ່າງທີ່ກ່ຽວຂ້ອງ ລວມທັງກລີນວູດໄດ້ພິຈາລະນາຮ່ວມກັນແລ້ວເຫັນວ່າເປັນເລື່ອງຍາກທີ່ເຂົາຈະໄດ້ຄ້າແຂ່ງຢູ່ກັບສະໂມສອນແມນຢູ ແລະ ມີຄວາມຄິດເຫັນກົງກັນວ່າ ກລີນວູດເອງກໍຄວນຈະຍ້າຍອອກຈາກແມນຢູ ເຊິ່ງເປັນແນວທາງທີ່ດີທີ່ສຸດ ໂດຍຕົວເຂົາເອງໄດ້ຍອມຮັບວ່າເຮັດຜິດ ແລະ ຈະຮັບຜິດຊອບສິ່ງທີ່ເກີດຂຶ້ນ.

ເມສັນ ກລີນວູດໄດ້ເລົ່າວ່າ: ການແຍກທາງກັບແມນຢູ ເປັນການຕັດສິນໃຈລະຫວ່າງສະໂມສອນ, ໂຕເຂົາເອງ ແລະ ຄອບຄົວນັບເປັນທາງອອກທີ່ດີທີ່ສຸດ ໃນການທີ່ໂຕເຂົາຈະສາມາດຫຼິ້ນຢູ່ໃນກິລາບານເຕະອາຊີບອີກ ແລະ ບໍ່ກະທົບຕໍ່ທາງສະໂມສອນ ກລີນວູດໄດ້ກ່າວວ່າ: ຂອບໃຈທີ່ທາງສະໂມສອນທີ່ຊ່ວຍເຫຼືອເຂົາມາຕັ້ງແຕ່ອາຍຸ 7 ປີ ແລະ ແມນຢູເປັນສ່ວນສຳຄັນໃນຊີວິດຂອງເຂົາ ຂອບໃຈສຳລັບກຳລັງໃຈທີ່ມີໃຫ້ກັນຕະຫຼອດ ແລະ ໄດ້ເວລາທີ່ຈະຕອບແທນຄວາມເຊື່ຶອໝັ້ນນັ້ນແລ້ວ ຂ້ອຍຂໍຢືນຢັນວ່າຊິເປັນນັກກິລາເຕະບານທີ່ເກັ່ງກວ່າເກົ່າ, ເປັນພໍ່ທີ່ດີ, ຈະເປັນຄົນທີ່ດີຂຶ້ນ ແລະ ຈະນຳພອນສະຫວັນນີ້ໄປໃຊ້ໃນທາງທີ່ດີ ທັງໃນ ແລະ ນອກສະໜາມ.

ສຳລັບຜົນງານຂອງ ເມສັນ ກລີນວູດ ລົງຫຼິ້ນໃຫ້ກັບສະໂມສອນ ແມນເຊັດເຕີ ຢູໄນເຕັດ 129 ນັດ ຍິງໄປ 35 ປະຕູ, ທັງນີ້ສານຍັງໄດ້ຍົກຟ້ອງຄະດີທຳຮ້າຍຮ່າງກາຍແຟນສາວແລ້ວ ປັດຈຸບັນກລີນວູດ ແລະ ແຟນສາວມີລູກສາວນຳກັນແລ້ວ 1 ຄົນ.