ທ່ານ ທັກສິນ ຊິນນິວັດ ອະດີດນາຍົກລັດຖະມົນແຫ່ງປະເທດໄທ ເດີນທາງຮອດສະໜາມບິນດອນເມືອງ ປະເທດໄທ ໃນເວລາ 9:00 ໂມງ ແລະ ປາກົດຕົວຕໍ່ມວນຊົນແລ້ວ.
ໃນວັນທີ 22 ສິງຫາ 2023 ການກັບມາຂອງທ່ານ ທັກສິນ ຊິນນິວັດ ເປັນທີ່ຕັ້ງໜ້າຂອງປະຊາຊົນໄທຈຳນວນຫຼາຍ ໂດຍມີປະຊາຊົນໃສ່ເສື້ອແດງ ແລະ ສື່ມວນຊົນເຂົ້າໄປລໍຖ້າທີ່ສະໜາມບິນຕັ້ງແຕ່ເຊົ້າມືດ ທັ້ງນີ້ຂ່າວທາງປະເທດໄທກໍຍັງໄດ້ຕິດຕາມສະຖານະການຕະຫຼອດເວລາຂອງການເດີນທາງ ທີ່ທ່ານ ທັກສິນ ເດີນທາງມາແຕ່ສິງກະໂປ ດ້ວຍເຮືອບິນສ່ວນຕົວ.
ເມື່ອ ທ່ານ ທັກສິນ ເດີນທາງເຂົ້າປະເທດແລ້ວ ເຈົ້າໜ້າທີ່ຕຳຫຼວດກວດຄົນເຂົ້າເມືອງຈະນຳໝາຍຈັບເຂົ້າຄວບຄຸມຕົວ ຈາກນັ້ນຕຳຫຼວດຈະນຳຕົວເດີນທາງໄປສານສີກາ ສະໜາມຫຼວງ ເພື່ອຮັບຟັງຄຳພິພາກສາສະບັບຫຍໍ້ຂອງແຕ່ລະຄະດີ.
ເມື່ອຜູ້ພິພາກສາອອກໝາຍຂັງ ເຈົ້າໜ້າທີ່ກໍຈະນຳເອົາຕົວທ່ານ ທັກສິນໄປເຮືອນຈຳ ເພື່ອນຳເຂົ້າສູ່ຂະບວນການໃນທັນທີ.
ທັ້ງນີ້ ທ່ານ ທັກສິນ ຊິນນິວັດ ໄດ້ດຳລົງຕຳແໜ່ງນາຍົກລັດຖະມົນຕີແຫ່ງປະເທດໄທ ຕັ້ງແຕ່ປີ 2001 ຫາ 2006 ໃນລະຫວ່າງການດຳລົງຕຳແໜ່ງ ທ່ານ ທັກສິນ ກໍໄດ້ຖືກຂໍ້ກ່າວຫາໃນຫຼາຍຢ່າງເຊັ່ນ ລ່ຽງພາສີ, ຂາຍຊັບສິນບໍລິສັດ, ສໍ້ລາດບັງຫຼວງ ແລະ ອື່ນໆ ຕໍ່ມາຈຶ່ງໄດ້ມີການລົ້ມຂອງລັດຖະບານທ່ານ ທັກສິນ ເຮັດໃຫ້ທ່ານໄດ້ໄປອາໄສລີ້ໄພຢູ່ຕ່າງປະເທດນັບຕັ້ງແຕ່ປີ 2006 ຈົນເຖິງປີ 2023 ເປັນເວລາ 17 ປີ.
ແຫຼ່ງຂ່າວ BBC