ກອງບັນຊາການ ປກສ ແຂວງສະຫວັນນະເຂດ ຈັດກອງປະຊຸມສະຫຼຸບ ຜົນການຈັດຕັ້ງປະຕິບັດ ວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ປະຈໍາເດືອນ 8 ແລະ ວາງທິດທາງແຜນການ ປະຈຳເດືອນ 9 2023, ໃນວັນທີ 16 ສິງຫານີ້ ໂດຍເປັນປະທານຂອງທ ພົຈວ ສົມໝາຍ ພົມມະຈັນ ຫົວໜ້າກອງບັນຊາການ ປກສ ແຂວງສະຫວັນນະເຂດ.

ພັທ ຄໍາສຸກ ປະເສີດຄໍາຫຼ້າ ຫົວໜ້າຫ້ອງການ ກອງບັນຊາການ ປກສ ແຂວງ ໄດ້ຜ່ານບົດສະຫຼຸບ ລາຍງານໂດຍຫຍໍ້ ດ້ານດີ, ຜົນງານ ຂໍ້ຄົງຄ້າງ, ບົດຮຽນທີ່ຖອດຖອນໄດ້ໃນ 1 ເດືອນຜ່ານມາ ເຖິງຜົນການຈັດຕັ້ງປະຕິບັດ ວາລະແຫ່ງຊາດ ວ່າດ້ວຍການແກ້ໄຂບັນຫາຢາເສຍຕິດ ຢູ່ແຂວງສະຫວັນນະເຂດ ເຊິ່ງ ສາມາດແກ້ໄຂບັນຫາຢາເສບຕິດປະເພດຕ່າງໆ ໄດ້ 31 ລາຍ, ຈັບຜູ້ຖືກຫາໄດ້ 45 ຄົນ, ຍິງ 8 ຄົນ, ຄົນຕ່າງປະເທດມີ 4 ຄົນ, ຢຶດຢາເສບຕິດປະເພດ (ຢາບ້າ) ຈໍານວນ 6.305 ເມັດ, ເຮໂຣອີນ 164 ແທ່ງ, ຢາເຄ 2 ຖົງນ້ອຍ, ໂທລະສັບ 25 ໜ່ວຍ, ໂໜດບຸກ 1 ໜ່ວຍ, ລົດຈັກ 5 ຄັນ, ລົດໃຫຍ່ 2 ຄັນ, ປືນແກັບ 1 ກະບອກ, ເງີນກີບ ຈຳນວນ 17.862.000 ກີບ, ເງີນບາດ 79.260 ບາດ, ປຶ້ມບັນຊີເງິນຝາກ 1 ຫົວ, ສ້ອຍສີເຫຼືອງຄ້າຍຄືຄຳ 2 ເສັ້ນ.

ຄະດີທີ່ພົ້ນເດັ່ນແມ່ນ ໃນຄັ້ງວັນທີ 3 ກໍລະກົດ 2023 ກັກພວກຖືກຫາຄ້າຂາຍຢາເສບຕິດ ໄດ້ 3 ຄົນ (ຄົນວຽດນາມ), ລວມຂອງກາງຢາເສບຕິດ ປະເພດເຮໂຣອິນ 164 ແທ່ງ ເທົ່າກັບ 61,550 ກິໂລ, ລົດໃຫ່ຍ 1ຄັນ.

ແຫຼ່ງຂ່າວ ປ້ອງກັນຄວາມສະຫງົບ