ອີງຕາມສື່ຕ່າງປະເທດລາຍງານວ່າ: ຕຳຫຼວດຫວຽດນາມບຸກຈັບເຄືອຄ່າຍຄ້າກາມ ຂອງນາງສາວ Vo Thi My Hanh ອະດີດສາວແອຮອດສະເຕດ ອາຍຸ 26 ປີ ທີ່ຜັນໂຕມາເປັນແມ່ເລົ້າຈັດຫາສາວງາມໃຫ້ກັບບັນດາລູກຄ້າທີ່ມີຖານະລໍ້າລວຍ ຈົນຕົນເອງໄດ້ໃຊ້ຊີວິດແບບຫຼູຫຼາ.
ເຈົ້າໜ້າທີ່ຕຳຫຼວດຈັບອະດີດສາວແອຮອດສະເຕດໄດ້ໃນຄືນວັນພຸດ ທີ 9 ສິງຫາ 2023 ທີ່ຜ່ານມາ, ທີ່ໂຮງແຮມຫຼູແຫ່ງໜຶ່ງໃນເມືອງໂຮຈິມິນ ເຊິ່ງພົບວ່າ: ມີສາວເປັນພະນັກງານຕ້ອນຮັບຂອງສາຍການບິນ ຫຼື ແອຮອດສະເຕດ 3 ຄົນຢູ່ເທິງຕຽງກັບຜູ້ຊາຍຫຼາຍຄົນ ສ່ວນຍິງສາວຄົນທີ 4 ເປັນນາງແບບຢູ່ກັບລູກຄ້າອີກຄົນໜຶ່ງ ໂດຍເຈົ້າໜ້າທີ່ໄດ້ຄວບຄຸມຍິງສາວທັງ 4 ແລະ ລູກຄ້າຊາຍເອົາໄວ້.
ນາງສາວ Vo Thi My Hanh ໄດ້ຖືກດຳເນີນຄະດີໃນຊໍ້ຫາໃຫ້ບໍລິການທາງເພດ ແລະ ເປັນຄົນກາງທີ່ຈັດຫາຍິງສາວໄປໃຫ້ບໍລິການທາງເພດໃຫ້ແກ່ລູກຄ້າ ໂດຍນາງຈະໄດ້ຮັບຄ່ານາຍໜ້າໃນການຈັດຫາຍິງສາວໄປໃຫ້ລູກຄ້າຄົນລະປະມານ 230 ປອນ ຫຼື ປະມານ 5 ລ້ານກີບ, ສ່ວນຄ່າບໍລິການໃນເວລາ 90 ນາທີ/ຄັ້ງລະ 700 ປອນ ລື ປະມານ 15 ລ້ານກີບ, ແຕ່ຫາກລູກຄ້າຕ້ອງການພັກຄ້າງຄືນກັບຍິງສາວຈະຕ້ອງຈ່າຍຄ່າບໍລິການຄືນລະປະມານ 2000 ຫຼື ປະມານ 50 ລ້ານກີບ, ເຈົ້າໜ້າທີ່ຍັງຄາດວ່າມີຍິງສາວທີ່ງາມໃນເຄືອຄ່າຍຢ່າງນ້ອຍ 30 ຄົນ ສ່ວນໃຫຍ່ເປັນສາວແອ ຫຼື ເຄີຍເປັນສາວແອມາກ່ອນ.
ທີ່ມາ: Dailymail