ການໄຟຟ້າຝ່າຍຜະລິດແຫ່ງປະເທດໄທ ກ່າວວ່າ ແຫຼ່ງຜະລິດໄຟຟ້າໃນປະເທດໄທອາດໄດ້ຮັບຜົນກະທົບ ເນື່ອງຈາກໄຟຟ້າທີ່ນຳເຂົ້າຈາກປະເທດລາວປະເຊີນກັບໄພແຫ້ງແລ້ງ.
ຖ້າໄພແຫ້ງແລ້ງຮຸນແຮງຂຶ້ນ ເຂື່ອນໄຟຟ້າພະລັງງານນ້ຳໃນລາວຈະຜະລິດໄຟຟ້າໄດ້ໜ້ອຍລົງ ຈຶ່ງສົ່ງຜົນໃຫ້ການສົ່ງອອກໄຟຟ້າຂອງລາວໜ້ອຍລົງເຊັ່ນກັນ.
ການໄຟຟ້າຝ່າຍຜະລິດແຫ່ງປະເທດໄທ ໄດ້ລົງນາມຂໍ້ຕົກລົງໃນການຊື້ໄຟຟ້າພາຍໃຕ້ແຜນສົ່ງເສີມການໃຊ້ພະລັງງານໝຸນວຽນ 10.500 ເມກາວັດ ເຊິ່ງເພີ່ມຂຶ້ນຈາກ 9.000 ເມກາວັດ.
ໃນບັນດາໂຮງໄຟຟ້າພະລັງງານນ້ຳໃນລາວທີ່ຂາຍໄຟຟ້າໃຫ້ໄທ ມີຄື ເຂື່ອນໄຟຟ້ານ້ຳງື່ມ 2 ແລະ ເຂື່ອນໄຟຟ້າ ໄຊຍະບູລີ ເຂື່ອນໄຟຟ້າທັງ 2 ມີປະລິມານນ້ຳຫຼຸດລົງ ສົ່ງຜົນໃຫ້ການຂາຍໄຟຟ້າກໍຫຼຸດລົງ.
ຜົນກະທົບຈາກໄພແຫ້ງແລ້ງທີ່ເກີດຈາກປາກົດການເອວນີໂຢ ເປັນປາກົດການທີ່ເຮັດໃຫ້ເກີດໄພແຫ້ງແລ້ງ ອຸທົກກະໄພ ຫຼື ນ້ຳຖ້ວມ ສົ່ງຜົນກະທົບໃຫ້ຫຼາຍໆປະເທດ.
ການໄຟຟ້າຝ່າຍຜະລິດແຫ່ງປະເທດໄທ ກ່າວຕື່ມອີກວ່າ ກຳລັງຕິດຕາມໄພແຫ້ງແລ້ງໃນປະເທດ ແລະ ກຽມມາດຕະການຕ່າງໆ ເພື່ອໃຫ້ແນ່ໃຈວ່າມີໄຟຟ້າພຽງພໍສຳລັບປະເທດ.
ແຫຼ່ງຂ່າວ Bangkok Post