ໄຟປ່າເຜົາຮາວາຍ ເສຍຊີວິດເກືອບ 100 ຄົນ

0
627

ອີງຕາມ ສຳນັກຂ່າວຕ່າງປະເທດ ລາຍງານໃນວັນທີ 13 ສິງຫາ 2023 ຜ່ານມາ, ໄດ້ເກີດເຫດໄຟປ່າລາມເປັນວົງກວ້າງ ຢູ່ເທິງເກາະເມົາວີ ລັດຮາວາຍ ປະເທດສະຫະລັດອາເມລິກາ, ນັກທ່ອງທ່ຽວຈຳນວນຫຼາຍຕ່າງກໍພາກັນບໍພໍໃຈເຈົ້າໜ້າທີ່ທາງການວ່າບໍ່ມີການແຈ້ງເຕືອນໄພໄຟປ່າ ເພື່ອໃຫ້ປະຊາຊົນອົບພະຍົບອອກຈາກພຶ້ນທີ່.

ໄຟປ່າໄດ້ລາມເຂົ້າໃນເມືອງ ໄດ້ເຜົາໄໝ້ສິ່ງປູກສ້າງເຊັ່ນອາຄານບ້ານເຮືອນ ຈົນເສຍຫາຍໜັກ ແລະ ມີຄົນເສຍຊີວິດຢ່າງນ້ອຍ 93 ຄົນ ເມື່ອວັນເສົາ 12 ສິງຫາ 2023 ທີ່ຜ່ານມາ, ຈົນເປັນເຫດໄຟປ່າທີ່ເຮັດໃຫ້ມີຜູ້ຄົນເສຍຊີວິດຫຼາຍທີ່ສຸດໃນຮອບ 100 ປີ.

ເຈົ້າໜ້າທີ່ລັດຮາວາຍກ່າວວ່າ: ກຳລັງເລັ່ງຄົ້ນຫາຜູ້ເຄາະຮ້າຍທີ່ເສຍຊີວິດໃນຊາກອາຄານ ບ້ານເຮືອນທີ່ໄຟປ່າໄດ້ລາມມາຮອດເມືອງລາໄຮນາ ເທິງເກາະເມົາລີ ເປັນເມືອງທ່ອງທ່ຽວທີ່ມີປະຊາຊົນອາໄສກວ່າ 12,000 ຄົນ ຕາມການລາຍງານຂອງໜ່ວຍງານຈັດການສະຖານະການສຸກເສີນຂອງສະຫະລັດ ຄາດຄວາມເສີຍຫາຍຈາກໄພພິບັດໄຟປ່າສູງເຖິງ 5,500 ລ້ານໂດລາ ໂດຍມີອາຄານ, ຮ້ານອາຫານ, ໂຮງແຮມ, ລີສອດ ຖືກເຜົາໄໝ້ເປັນຂີ້ເຖົ່າກວ່າ 2000 ແຫ່ງ ແລະ ປະຊາຊົນຫຼາຍພັນຄົນບໍ່ມີທີ່ຢູ່.

ອ້າງອີງ: ໄທລັດ