Homeຂ່າວພາຍ​ໃນອາຊຽນ ເພີ່ມທະວີການຮ່ວມມືແກ້ໄຂບັນຫາຢາເສບຕິດ

ອາຊຽນ ເພີ່ມທະວີການຮ່ວມມືແກ້ໄຂບັນຫາຢາເສບຕິດ

Published on

ພິທີໄຂກອງປະຊຸມລັດຖະມົນຕີອາຊຽນ ວ່າດ້ວຍບັນຫາຢາເສບຕິດ ຄັ້ງທີ 8 ທີ່ ສປປ ລາວ ເປັນເຈົ້າພາບ ໄດ້ຈັດຂຶ້ນຢູ່ໂຮງແຮມລາວພຣາຊາ ນະຄອນຫຼວງວຽງຈັນ ໃນວັນທີ 11 ສິງຫາ 2023 ນີ້ ໂດຍການເປັນປະທານຂອງ ພົນເອກ ວິໄລ ຫຼ້າຄຳຟອງ ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນຄວາມສະຫງົບ ສປປ ລາວ; ມີຜູ້ແທນລະດັບລັດຖະມົນຕີ, ພ້ອມດ້ວຍຫົວໜ້າຄະນະເຈົ້າ ໜ້າທີ່ອາວຸໂສ ວ່າດ້ວຍບັນຫາຢາເສບຕິດ ຈາກ 10 ປະເທດສະມາຊິກອາຊຽນ, ກອງເລຂາອາຊຽນ ແລະ ປະເທດສັງເກດການ ເຂົ້າຮ່ວມ.

ກອງປະຊຸມລັດຖະມົນຕີອາຊຽນ ວ່າດ້ວຍບັນຫາຢາເສບຕິດ ຄັ້ງທີ 8 ນີ້, ເປັນກອງປະຊຸມໜຶ່ງ ທີ່ມີຄວາມສຳຄັນ ເຊິ່ງເປັນເວທີການປຶກສາຫາລື, ກຳນົດບັນດາເນື້ອໃນ ແລະ ທິດທາງແຜນການຮ່ວມມືລະຫວ່າງບັນດາປະເທດສະມາຊິກອາຊຽນ ເພື່ອຮ່ວມກັນແກ້ໄຂບັນຫາຢາເສບຕິດ ທີ່ເປັນສິ່ງທ້າທາຍ ແລະ ໄພຂົ່ມຂູ່ຕໍ່ຄວາມໝັ້ນຄົງ, ຄວາມສະຫງົບ ແລະ ຄວາມເປັນລະບຽບຮຽບຮ້ອຍໃນສັງຄົມ ຂອງບັນດາປະເທດສະມາຊິກອາຊຽນ ໃຫ້ມີປະສິດທິພາບ ແລະ ປະສິດທິຜົນ.

ນອກຈາກນີ້ ຍັງເປັນການຮັບປະກັນໄດ້ ໃນການຈັດຕັ້ງຜັນຂະຫຍາຍແນວທາງການຕ່າງປະເທດຂອງພັກກໍຄືຂອງ ສປປ ລາວ, ການໂຄສະນາເຜີຍແຜ່ແນວທາງອັນຖືກຕ້ອງຂອງພັກ ແລະ ລັດຖະບານ; ຮັບປະກັນໃຫ້ແກ່ການປະຕິບັດໜ້າທີ່ ຂອງປະເທດສະມາຊິກອາຊຽນຕາມກົນໄກ ແລະ ລະບຽບການຂອງບັນດາປະເທດສະມາຊິກອາຊຽນ ໂດຍສອດຄ່ອງກັບຄວາມສາມາດຕົວຈິງ; ພ້ອມທັງສະແດງໃຫ້ເຫັນເຖິງຄວາມເຂັ້ມແຂງ ແລະ ຄວາມສາມາດຂອງ ສປປ ລາວ ກໍຄືກະຊວງປ້ອງກັນຄວາມສະຫງົບລາວ ໃນການເປັນປະທານກອງປະຊຸມລະດັບສາກົນ.

ໃນໂອກາດ ທີ່ທ່ານ ພົນເອກ ວິໄລ ຫຼ້າຄຳຟອງ ກ່າວໄຂກອງປະຊຸມລັດຖະມົນຕີອາຊຽນ ວ່າດ້ວຍບັນຫາຢາເສບຕິດ ຄັ້ງທີ 8 ຢ່າງເປັນທາງການນັ້ນ ພ້ອມຍົກໃຫ້ເຫັນບາງເນື້ອໃນທີ່ມີຄວາມສຳຄັນ. ຂະນະດຽວກັນ, ບັນດາຜູ້ແທນ ກໍໄດ້ຮັບຟັງການລາຍງານເນື້ອໃນສຳຄັນຕ່າງໆ ກ່ຽວກັບການພົວພັນຮ່ວມມືຂອງບັນດາປະເທດສະມາຊິກອາຊຽນ ແລະ ສາກົນ, ທົບທວນຄືນບັນດາຜົນສຳເລັດ ແລະ ຄວາມຄືບໜ້າ ໃນການຮ່ວມມືຈັດຕັ້ງປະຕິບັດແຜນການຕ່າງໆ ໃນການຕ້ານ, ສະກັດກັ້ນ ແລະ ແກ້ໄຂບັນຫາຢາເສບຕິດ ໃນຂອບການຮ່ວມມື ຕາມຖະແຫຼງການຮ່ວມຂອງກອງປະຊຸມລັດຖະມົນຕີອາຊຽນ ວ່າດ້ວຍບັນຫາຢາເສບຕິດ ຄັ້ງທີ 7, ການຮ່ວມມືໃນຂອບຂອງແຜນວຽກອາຊຽນ ວ່າດ້ວຍປະຊາຄົມຄວາມໝັ້ນຄົງຕ້ານຢາເສບຕິດ 2016-2025 ແລະ ອື່ນໆ ໃນໄລຍະຜ່ານມາ.

ນອກຈາກນີ້, ຜູ້ແທນຈາກບັນດາປະເທດສະມາຊິກອາຊຽນ ຍັງໄດ້ຮ່ວມກັນປຶກສາຫາລື, ຄົ້ນຄວ້າ, ພິຈາລະນາ ແລະ ຕົກລົງ ຮັບຮອງເອົາຫຼາຍບັນຫາທີ່ສຳຄັນ ກ່ຽວກັບການຮ່ວມມື ໃນການແກ້ໄຂບັນຫາຢາເສບຕິດ ໃນພາກພື້ນອາຊຽນ ແລະ ສາກົນຕື່ມອີກ.

ແຫຼ່ງຂ່າວ ປະເທດລາວ

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...