spot_img
Homeຂ່າວການຊ່ວຍເຫຼືອຄະນະກໍາມະການຄຸ້ມຄອງໄພພິບັດຂັ້ນສູງກາງ ມອບເຄື່ອງອຸປະໂພກ-ບໍລິໂພກ ຊ່ວຍເຫຼືອປະຊາຊົນຈາກໄພນໍ້າຖ້ວມ 3 ແຂວງ

ຄະນະກໍາມະການຄຸ້ມຄອງໄພພິບັດຂັ້ນສູງກາງ ມອບເຄື່ອງອຸປະໂພກ-ບໍລິໂພກ ຊ່ວຍເຫຼືອປະຊາຊົນຈາກໄພນໍ້າຖ້ວມ 3 ແຂວງ

Published on

ໃນຕອນບາຍຂອງວັນທີ 06 ສິງຫາ 2023 ຜ່ານມາ, ທີ່ສາງຫຼັກ 17 ກະຊວງແຮງງານ ແລະ ສະຫວັດດີການສັງຄົມ ບ້ານດົງໝາກຄາຍ ເມືອງໄຊທານີ, ທາງຄະນະກໍາມະການຄຸ້ມຄອງໄພພິບັດຂັ້ນສູງກາງ ຕາງໜ້າໂດຍ ທ່ານ ນາງ ໃບຄໍາ ຂັດທິຍະ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ, ຮອງປະທານຜູ້ປະຈໍາການ ຄະນະກຳມະການຄຸ້ມຄອງໄພ ພິບັດຂັ້ນສູນກາງ ພ້ອມດ້ວຍຫົວໜ້າກອງເລຂາ ຄະນະກຳມະການ ພສ ແລະ ຄະນະ ຈັດສົ່ງເຄື່ອງອຸປະໂພກ-ບໍລິໂພກ ຈໍານວນໜຶ່ງ ລວມມູນຄ່າທັງໝົດ 573.927.000 ກີບ ເພື່ອນໍາສົ່ງຊ່ວຍເຫຼືອປະຊາຊົນທີ່ໄດ້ຮັບຜົນກະທົບຈາກໄພນໍ້າຖ້ວມຢູ່ 03 ແຂວງຄື ແຂວງບໍລິຄໍາໄຊ, ແຂວງຄໍາມ່ວນ ແລະ ແຂວງ ສະຫວັນນະເຂດໂດຍ ເຊິ່ງໄດ້ຮັບການສະໜັບສະໜູນທາງດ້ານກໍາລັງ ແລະ ພາຫະນະຂົນສົ່ງຈາກກະຊວງປ້ອງກັນປະເທດ. ເຊິ່ງລາຍລະອຽດເຄື່ອງຊ່ວຍເຫຼືອ ມີດັ່ງນີ້:

1. ແຂວງ ຄໍາມ່ວນ: ເຂົ້າກິນ ຈໍານວນ 10 ໂຕນ; ເຄື່ອງໃຊ້ຄົວເຮືອນ 20 ແກັດ, ເຄື່ອງສຸຂະອານາໄມ 10 ແກັດ, ມຸ້ງ 30 ດາງ, ສາດຢາງ 30 ຜືນ ລວມມູນຄ່າ 173.740.000 ກີບ;
2. ແຂວງ ສະຫວັນນະເຂດ: ເຂົ້າກິນ ຈໍານວນ 15 ໂຕນ; ເຄື່ອງໃຊ້ຄົວເຮືອນ 30 ແກັດ, ເຄື່ອງສຸຂະອານາໄມ 10 ແກັດ, ມຸ້ງ 50 ດາງ, ສາດຢາງ 50 ຜືນ ລວມມູນຄ່າ 258.995.000 ກີບ
3. ແຂວງບໍລິຄຳໄຊ: ເຂົ້າກິນ ຈໍານວນ 8 ໂຕນ; ເຄື່ອງໃຊ້ຄົວເຮືອນ 10 ແກັດ, ເຄື່ອງສຸຂະອານາໄມ 9 ແກັດ, ມຸ້ງ 20 ດາງ, ສາດຢາງ 30 ຜືນ ລວມມູນຄ່າ 141.192.000 ກີບ

ໂດຍ ໃນຕົ້ນປີຜ່ານມາ ທາງ ກະຊວງ ແຮງງານ ແລະ ສະຫວັດດີການສັງຄົມ ໄດ້ ມີການຈັດສົ່ງເຄື່ອງ
ຊ່ວຍເຫຼືອບັນເທົາທຸກ ມອບໃຫ້ບັນດາພະແນກ ແຮງງານ ແລະ ສະຫວັດດີການສັງຄົມແຂວງໃນຂອບເຂດທົ່ວປະເທດ ເພື່ອກຽມພ້ອມຮອງຮັບແກ້ໄຂສຸກເສີນຖ້າມີເຫດການໄພພິບັດເກີດຂື້້ນໃນແຂວງ ແລະ ໃນຄັ້ງນີ້ ແມ່ນເປັນການນໍາສົ່ງເຄື່ອງຊ່ວຍເຫຼືອຕອບໂຕ້ສຸກເສີນ ເພື່ອສົມທົບໃຫ້ແກ່ບັນດາແຂວງທີ່ໄດ້ຜົນກະທົບຈາກໄພພິບັດນໍ້າຖ້ວມ.
ພ້ອມນີ້ຈະໄດ້ສືບຕໍ່ປະສານສົມທົບກັບບັນດາແຂວງຕ່າງໆ ທີ່ໄດ້ຮັບຜົນກະທົບຈາກໄພນໍ້າຖ້ວມ ເພື່ອໃຫ້ການຊ່ວຍເຫຼືອປະຊາຊົນຜູ້ທີ່ໄດ້ຮັບຜົນກະ ໃຫ້ກັບຄືນສູ່ສະພາບປົກະຕິໂດຍໄວ.

ບົດຄວາມຫຼ້າສຸດ

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...