ຫ້ອງວ່າການເມືອງຊຽງຄໍ້ ແຂວງຫົວພັນ ແຈ້ງການເຖິງປະຊາຊົນທີ່ຢູ່ລຽບຕາມສາຍນໍ້າມ່າ ຈະມີການປ່ອຍນໍ້າອອກເຂື່ອນໄຟຟ້າເມືອງຮຸ່ງ ແຂວງເຊີນລາ ສສ ຫວຽດນາມ.
ເນື່ອງຈາກວ່າໃນຊ່ວງໄລຍະນີ້ມີຝົນຕົກຢ່າງຕໍ່ເນື່ອງ ເຮັດໃຫ້ນໍ້າໄຫຼເຂົ້າອ່າງເກັບນໍ້າຂອງເຂື່ອນເມືອງຮຸ່ງ ແຂວງເຊີນລາ ສສ ຫວຽດນາມ ພວມເພີ່ມຂຶ້ນ. ປັດຈຸບັນ ແມ່ນກໍາລັງປ່ອຍນໍ້າອອກເຂື່ອນໄຟຟ້າເປັນຈໍານວນຫຼາຍກວ່າປົກກະຕິ ເຊິ່ງຈະເຮັດໃຫ້ປະລິມານນໍ້າມ່າເພີ່ມຂຶ້ນ. ສະນັ້ນ, ຈິ່ງແຈ້ງໃຫ້ທຸກພາກສ່ວນ ແລະ ບ້ານທີ່ຢູ່ລຽບຕາມສາຍນໍ້າມ່າໃຫ້ມີສະຕິ ແລະ ເຝົ້າລະວັງ.
