ໃນຄັ້ງວັນທີ 30/07/2023 ເວລາປະມານ 09 ໂມງ 00 ນາທີ ກອງບັນຊາການ ປກສ ແຂວງບໍ່ແກ້ວ ສົມທົບກັບ ກອງບັນຊາການ ປກສ ເມືອງຕົ້ນເຜິ້ງ ລົງແກ້ໄຂມ້າງຄະດີຢາເສບຕິດຢູ່ບ້ານຮົ່ມເຢັນ, ເມືອງຕົ້ນເຜິ້ງ, ແຂວງບໍ່ແກ້ວ ຜ່ານການມ້າງຄະດີຕົວຈິງສາມາດກັກຕົວຜູ້ຕ້ອງຫາໄດ້ ຈໍານວນ 01 ຄົນ ຊື່ ທ້າວ ນົງ ສຸລິສັກ, ອາຍຸ 28 ປີ, ປັດຈຸບັນຢູ່ບ້ານມອມ, ເມືອງຕົ້ນເຜິ້ງ, ແຂວງບໍ່ແກ້ວ.

ຢຶດເຄື່ອງຂອງກາງຢາເສບຕິດປະເພດຕ່າງໄດ້ຈຳນວນ 14 ເປົ່າ ລວມມີ:
1. ຢາເຄຕາມິນ ຈໍານວນ 123 ຫໍ່, ເທົ່າກັບ 123 ກິໂລກຣາມ.
2. ຢາເຮໂລອິນ ຈໍານວນ 537 ແທ່ງ, ເທົ່າກັບ 204 ກິໂລກຣາມ.
3. ລົດກະບະ ຢີຫໍ້ ຟອດເຣນເຈີ ສີຂາວ ຈໍານວນ 01 ຄັນ, ປ້າຍທະບຽນ ກມ 1682 ກຳແພງນະຄອນ.
4. ໂທລະສັບ ຈຳນວນ 02 ໜ່ວຍ ແລະ ໃບຂັບຂີ່ 01 ໃບ.
ປະຈຸບັນ ຄະດີດັ່ງກ່າວ ທາງເຈົ້າໜ້າທີ່ຂອງພວກເຮົາພວມດໍາເນີນການສືບສວນ-ສອບສວນ ຂະຫຍາຍຜົນຫາກຸ່ມແກ້ງ-ພັກພວກລາຍນີ້ ມາດໍາເນີນຄະດີຕາມຂັ້ນຕອນຂອງກົດໝາຍຕໍ່ໄປ.