ໃນວັນທີ 29 ກໍລະກົດ 2023 ທີ່ຜ່ານມາເວລາປະມານ 15:00 ໂມງ ເກີດເຫດສາງເກັບບັ້ງພຸ ແລະ ດອກໄມ້ໄຟເກີດລະເບີດກາງຕະຫຼາດມູໂນະ ເມືອງສຸໄຫໂກ-ລົກ ແຂວງນາຣາທິວາດ ປະເທດໄທ ເຊິ່ງມີຄົນເສຍຊີວິດເຖິງ 11 ຄົນ ບາດເຈັບ 121 ຄົນ, ສູນຫາຍອີກ 2 ຄົນ, ເຮັດໃຫ້ຮ້ານຄ້າ ແລະ ບ້ານກວ່າ 292 ຫຼັງຖືກໄຟໄໝ້ ແລະ ໄດ້ຮັບຄວາມເສຍຫາຍ.

ກ່ອນເກີດເຫດເປັນຊ່ວງວັນພັກ ເຈົ້າຂອງສາງພາຄອບຄົບໄປທ່ຽວຕ່າງແຂວງ  ແລະ ໄດ້ຈ້າງນາຍຊ່າງມາຈອດເຊື່ອມເຫຼັກ ເຮັດໃຫ້ສະເກັດໄຟຕົກໃສ່ກ່ອງບັ້ງພຸ ແລະ ດອກໄມ້ໄຟທີ່ກອງຢູ່ພາຍໃນສາງເປັນຈຳນວນຫຼາຍຈຶ່ງເກີດລະເບີດຂຶ້ນ.

ທາງດ້ານເຈົ້າໜ້າທີ່ເລົ່ງເຂົ້າຊ່ວຍເຫຼືອຜູ້ບາດເຈັບທັງໝົດ 72 ຄົນ ແລະລຳລຽງສົ່ງໂຮງໝໍທີ່ໃກ້ຄຽງ ພ້ອມທັງອົບພະຍົບຄອບຄົວທີ່ໄດ້ຮັບຜົນກະທົບໃຫ້ຍ່າຍໄປຢູ່ໃນທີ່ປອດໄພກ່ອນ, ທາງຜູ້ສື່ຂ່າວລາຍງານຕື່ມອີກວ່າ: ເຫດການລະເບີດໃນຄັ້ງນີ້ສ້າງຄວາມເສຍຫາຍໃຫ້ກັບຕະຫຼາດມູໂນະຢ່າງຫຼວງຫຼາຍ ເນື່ອງຈາກເປັນສູນກາງການຈຳໜ່າຍສິນຄ້າຊາຍແດນແຫຼ່ງໃຫຍ່ທີ່ສຸດຂອງເມືອງ ສຸໄຫໂກ-ລົກ ແລ້ວຄວາມແຮງຂອງລະເບີດເຮັດໃຫ້ຮ້ານຄ້າ, ບ້ານເຮືອນປະຊາຊໍົນ ແລະ ເສດຖະກິດໃນຊຸມຊົນທີ່ຫາກໍຟື້ນໂຕຈາກຄວາມເສຍຫາຍນ້ຳຖ້ວມເມື່ອປີ 2022 ຜ່ານມາ.