spot_img
Homeຂ່າວພາຍ​ໃນຄວາມເປັນຈິງໃນການຂຸດຄົ້ນໄມ້ ຢູ່ແຂວງເຊກອງ

ຄວາມເປັນຈິງໃນການຂຸດຄົ້ນໄມ້ ຢູ່ແຂວງເຊກອງ

Published on

ໃນວັນທີ 24 ກໍລະກົດ 2023 ຜ່ານມາ, ທ່ານ ຄຳພັນ ພະສະແຫວງ ຮອງຫົວໜ້າ ພະແນກກະສິກຳ ແລະ ປ່າໄມ້ ແຂວງເຊກອງ ໄດ້ແຈ້ງໃຫ້ຮູ້ວ່າ: ແຂວງເຮົາ ໄດ້ຮັບອະນຸຍາດຂຸດຄົ້ນ ແລະ ເກັບກູ້ທ້ອນໂຮມໄມ້ທີ່ຍັງຕົກຄ້າງປະຕິບັດໃນປີ 2022 ແລະ ໂກຕ້າທີ່ອະນຸມັດໃໝ່ປີ 2023 ທັງໝົດ 16 ພັນກ່ວາແມັດກ້ອນ (16.373,895 ມ3), ແຕ່ໃນຄວາມເປັນຈິງ ປະຕິບັດມາຮອດ 6 ເດືອນຕົ້ນປີ 2023 ໄດ້ພຽງ 5 ພັນກ່ວາແມັດກ້ອນ (5.147,476 ມ3);

ໃນນັ້ນ, ໂຄງການກໍ່ສ້າງເຂື່ອນໄຟຟ້ານໍ້ຳບີ 1, 2, 3 ປະຕິບັດໄດ້ 89 ກ່ວາແມັດກ້ອນ (89,599 ມ3), ໂຄງການກໍ່ສ້າງທາງລຽບຊາຍແດນລາວ-ຫວຽດນາມ ໄລຍະທີ 1 ຊ່ວງ 16 ກິໂລແມັດ ປະຕິບັດໄດ້ 617 ກ່ວາແມັດກ້ອນ (617,656 ມ3), ໂຄງການກໍ່ສ້າງທາງລຽບຊາຍແດນລາວ-ຫວຽດນາມ ໄລຍະທີ 1 ຊ່ວງ 55 ກິໂລແມັດ ປະຕິບັດໄດ້ 985 ກ່ວາແມັດກ້ອນ (985,964 ມ3), ໂຄງການກໍ່ສ້າງເຂື່ອນໄຟຟ້າຫ້ວຍລະແງ ເຂດອ່າງນ້ຳຖ້ວມ, ເຂດກໍ່ສ້າງ ແລະ ເຂດຕາມແລວສາຍສົ່ງ 220 ກິໂລວັດ ປະຕິບັດໄດ້ 1.333 ກ່ວາແມັດກ້ອນ (1.333,411 ມ3), ໂຄງການຍົກຍ້າຍ-ຈັດສັນ ບ້ານປາກໄຊ ແລະບ້ານຖ້ຳເດັ້ງ ປະຕິບັດໄດ້ 2.390 ກ່ວາແມັດກ້ອນ (2.390,846 ມ3); ສໍາລັບປີ 2024 ແມ່ນຈະສືບຕໍ່ປະຕິບັດໂກຕ້າທີ່ຍັງຕົກຄ້າງໃນປີ 2023 ແລະ ຂໍອະນຸມັດຂຸດຄົ້ນໃໝ່ 48.661 ແມັດກ້ອນ ໃນ 4 ໂຄງການ ໂດຍຄະນະຄຸ້ມຄອງພາກສະໜາມ ຈະໄດ້ເອົາໃຈໃສ່ຄຸ້ມຄອງ, ກວດກາ ໃຫ້ການຈັດຕັ້ງປະຕິບັດຖືກຕ້ອງຕາມລະບຽບການ ເພື່ອຫຼີກລຽງ ບໍ່ໃຫ້ມີການສວຍໂອກາດຂຸດຄົ້ນໄມ້ ແລະເຄື່ອງປ່າຂອງດົງ ທີ່ຢູ່ນອກເຂດໄດ້ຮັບອະນຸຍາດ ຢ່າງເດັດຂາດ

ໂດຍຜ່ານມາ, ແຂວງເຊກອງເຮົາ ຍັງເຂັ້ມງວດປະຕິບັດຄໍາສັ່ງນາຍົກ ເລກທີ 15/ນຍ ວ່າດ້ວຍການເພີ່ມທະວີຄວາມເຂັ້ມງວດໃນການຄຸ້ມຄອງ ແລະ ກວດກາການຂຸດຄົ້ນໄມ້, ການເຄື່ອນຍ້າຍໄມ້ ແລະ ທຸລະກິດໄມ້ໃນຂອບເຂດທົ່ວປະເທດ ໂດຍຫ້າມບໍ່ໃຫ້ມີການຂຸດຄົ້ນໄມ້ຈາກປ່າທໍາມະຊາດອີກ ເຊິ່ງໄລຍະຜ່ານມາ ການຂຸດຄົ້ນໄມ້ຢູ່ແຂວງເຊກອງ ແມ່ນໄດ້ຮັບອະນຸມັດໃນເຂດກໍ່ສ້າງພື້ນຖານໂຄງລ່າງຂອງແຂວງເທົ່ານັ້ນ ແລະ ມີຄະນະຄຸ້ມຄອງ ທີ່ເຮັດໜ້າທີ່ເປັນເສນາທິການໃຫ້ການນຳເມືອງ, ແຂວງ ແລະ ກະຊວງ ເພື່ອປະສານສົມທົບກັບພາກສ່ວນທີ່ກ່ຽວຂ້ອງ ໃນການຈັດຕັ້ງປະຕິບັດວຽກງານໃຫ້ມີປະສິດທິຜົນ, ຖືກຕ້ອງ, ສອດຄ່ອງກັບລະບຽບການ ແລະ ກົດໝາຍວາງອອກ.
ທັງໝົດນັ້ນ ຄືຂໍ້ມູນກ່ຽວກັບການຂຸດຄົ້ນໄມ້ຢູ່ແຂວງເຊກອງ ເພື່ອນໍາສະເໜີ ໃຫ້ເພື່ອນຜູ້ອ່ານ ໄດ້ຮັບຊາບ.

ບົດຄວາມຫຼ້າສຸດ

ຮັບຮອງເປັນມໍຣະດົກແຫ່ງຊາດ ສະຖານບູຮານໜອງດິນຈີ່ ເມືອງໂພນທອງ ແຂວງຈຳປາສັກ ມີຄວາມສຳຄັນໃນລະດັບພູມິພາກອາຊີຕາເວັນອອກສ່ຽງໃຕ້

ສະຖານບູຮານໜອງດິນຈີ່ ເມືອງໂພນທອງ ແຂວງຈຳປາສັກ, ຖືກຮັບຮອງເປັນມໍຣະດົກແຫ່ງຊາດ ຕາມຂໍ້ຕົກລົງຂອງທ່ານລັດຖະມົນຕີກະຊວງວັດທະນະທຳ ແລະ ການທ່ອງທ່ຽວ. ເມື່ອວັນທີ 11 ສິງຫາ 2025 ທີ່ຜ່ານມາ, ວ່າດ້ວຍການຮັບຮອງເອົາມໍຣະດົກແຫ່ງຊາດລະດັບຊາດ ດ້ານວັດທະນະທຳ, ປະຫວັດສາດ...

ລາວເປັນປະເທດທີ່ມີຄວາມສະຫງົບ ໂດຍຖືກຈັດຢູ່ອັນດັບທີ 10 ປະເທດທີ່ສະຫງົບສຸກ ແລະ ສັນຕິພາບທີ່ສຸດໃນອາຊີ ປະຈຳປີ 2025

ລາວຖືກຈັດຢູ່ ອັນດັບທີ່ 10 ປະເທດທີ່ສັນຕິພາບທີ່ສຸດໃນອາຊີ ຕາມລາຍງານ ດັດຊະນີສັນຕິພາບໂລກ (GPI) 2025 ສະບັບລ້າສຸດ ທີ່ອອກໂດຍ ສະຖາບັນເສດຖະກິດແລະສັນຕິພາບ (IEP). (GPI) 2025 ສະບັບລ້າສຸດ...

ສາຍກິນດິບໃຫ້ລະວັງ! ພະຍາດໃບໄມ້ໃນປອດທີ່ເກີດຈາກການກິນດິບ ໂດຍສະເພາະເມນູກຸ້ງເຕັ້ນ ແລະ ປູດິບຈາກແຫຼ່ງນໍ້າຈືດ

ພະຍາດໃບໄມ້ໃນປອດ ເກີດຈາກການກິນອາຫານດິບ ແລະ ສຸຂະອະນາໄມໃນການປຸງແຕ່ງອາຫານ ສາຍກິນດິບຄວນລະວັງ, ເມື່ອບໍ່ດົນມານີ້,ມີກໍລະນີເດັກນ້ອຍອາຍຸ 14 ປີ ຈາກ ສ.ເກົາຫຼີ ທີ່ມັກກິນກຸ້ງສົດ ແລະ ປູສົດນໍ້າຈືດ ມີອາການຫາຍໃຈລໍາບາກ, ໄອມີເສມຫະ...

ເກີດຂຶ້ນ 1 ໃນ 8 ລ້ານ ຕ້ອງໄດ້ທຳການຜ່າອອກດ່ວນ ຍິງຊາວອິນເດຍພົບໂຕອ່ອນມາຢູ່ໃນຕັບ

ຍິງຊາວອິນເດຍມີອາການເຈັບທ້ອງ ຜົນສະແກນ MRI ພົບວ່າມີໂຕອ່ອນມາຢູ່ໃນຕັບ ເຊິ່ງເກີດຂຶ້ນໄດ້ຍາກມີພຽງ 45 ກໍລະນີ ໃນທົ່ວໂລກ ຈາກກໍລະນີຍິງຊາວອິນເດຍ ອາຍຸ 35 ປີ, ທີ່ກຳລັງຖືພາ 12 ອາທິດ...