ໃນສັງຄົມເມື່ອມີການພັດທະນາຖະໜົນຫົນທາງ ກໍມີໂອກາດທີ່ຈະມີປະຊາຊົນເຂົ້າໄປສ້າງບ້ານສ້າງເຮືອນ ບ່ອນຢູ່ອາໄສ ເມື່ອມີບ່ອນຢູ່ອາໄສ ກໍຈະມີສະຖານທີ່ອຳນວຍຄວາມສະດວກຕ່າງໆເຊັ່ນ ຮ້ານອາຫານ ຮ້ານບັນເທີງ ຫ່າງຊັບພະສິນຄ້າ ແລະ ສິ່ງອຳນວຍຄວາມສະດວກອື່ນໆເຂົ້າມາ, ສະນັ້ນ ໃນການພັດທະນາເສດຖະກິດໃຫ້ຍືນຍົງ ຈຳເປັນຕ້ອງມີການພັດທະນາສ້ອມແປງເສັ້ນທາງ ໃຫ້ໄປມີການຄົມມະນາຄົມສະດວກຍິ່ງຂຶ້ນ.

ປັດຈຸບັນ ໃນປະເທດລາວເຮົາກໍນັບມື້ນັບພັດທະນາຂຶ້ນເລື່ອຍໆ ຍ້ອນມີເສັ້ນທາງການຄົມມະນາຄົມທີ່ສະດວກສະບາຍຂຶ້ນ ຢ່າງໃດກໍຕາມ ກໍຍັງມີອີກຫຼາຍເສັ້ນທາງທີ່ການພັດທະນາຍັງບໍ່ສາມາດເຂົ້າເຖິງເສັ້ນທາງນັ້ນ ເຮັດໃຫ້ການໄປມາຂອງປະຊາຊົນ ການຄົມມະນາຄົມ ການຄ້າກໍບໍ່ສະດວກ ໂດຍສະເພາະໃນໄລຍະຂອງລະດູຝົນ ເຮັດໃຫ້ຫຼາຍເສັ້ນທາງເປ່ເພ ແຕ່ກໍຍັງບໍ່ມີການສ້ອມແປງ ບໍ່ວ່າຈະແມ່ນເສັ້ນທາງໃນຕົວເມືອງນະຄອນຫຼວງວຽງຈັນ ເຊິ່ງເຮົາຍັງສາມາດພົບຫົນທາງເປັນຂຸມ ເປັນບໍ່ ເປ່ເພ ແລະ ບໍ່ມີການສ້ອມແປງມາດົນນານ.

ທັ້ງນີ້ ຫົນທາງທີ່ເປ່ເພບໍ່ພຽງສະແດງເຖິງເສດຖະກິດລະດັບທ້ອງຖິ່ນນັ້ນ ມັນຍັງສ້າງຄວາມອັນຕະລາຍ ສ່ຽງການເກີດອຸບັດຕິເຫດ ຈຶ່ງເຮັດໃຫ້ປະຊາຊົນຈຳນວນຫຼາຍມີຫາງສຽງຕໍ່ລັດຖະບານ ເລື່ອງການສ້ອມແປງຫົນທາງ.

ຂ່າວ ລາວໂພສ

ພາບ Somboun Masouvanh, ໜັງສືພິມລາວພັດທະນາ