ພັກກ້າວໄກເນັ້ນຍ້ຳວ່າ “ພິທາ ລິ້ມຈະເລີນຣັດ” ຍັງເປັນຜູ້ສະໝັກຊິງຕຳແໜ່ງນາຍົກລັດຖະມົນຕີແຫ່ງປະເທດໄທຢູ່ ເຖິງວ່າສານລັດຖະທຳມະນູນ ຮັບຄຳຮ້ອງກໍລະນີຫຸ້ນສື່ ແລະ ສັ່ງຢຸດປະຕິບັດໜ້າທີ່ ສ.ສ. ຊົ່ວຄາວ.
ໃນວັນທີ 19 ກໍລະກົດ 2023 ພາຍຫຼັງສານລັດຖະທຳມະນູນໄທ ລົງມະຕິຮັບຄຳຮ້ອງຂອງຄະນະກຳມະການເລືອກຕັ້ງ (ກກຕ) ເລື່ອງການຖືຫຸ້ນສື່ ຂອງ ພິທາ ລິ້ມຈະເລີນຣັດ ສ.ສ. ບັນຊີລາຍຊື່ ແລະ ຫົວໜ້າພັກກ້າວໄກ ແລະ ມີມະຕິ 7 ຕໍ່ 2 ສັ່ງຢຸດປະຕິບັດໜ້າທີ່ ສ.ສ.
ທາງດ້ານພັກກ້າວໄກ ກໍໄດ້ໂພສຂໍ້ຄວາມຜ່ານເຟສບຸກ ແລະ ທະວິດເຕີ້ວ່າ ພິທາ ລິ້ມຈະເລີນຣັດ ຍັງສາມາດເປັນຜູ້ສະໝັກຊິງຕຳແໜ່ງນາຍົກລັດຖະມົນຕີຢູ່ ໂດຍມີຂໍ້ຄວາມລະບຸດັ່ງນີ້: “ດ່ວນ! ສານລັດຖະທຳມະນູນ ມີຄຳສັ່ງໃຫ້ ພິທາ ລິ້ມຈະເລີນຣັດ ຢຸດປະຕິບັດໜ້າທີ່ເປັນ ສ.ສ. ຊົ່ວຄາວ ຈາກກໍລະນີຫຸ້ນສື່ ITV ຢ່າງໃດກໍຕາມ ຕາມກົດໝາຍ ພິທາ ຍັງສາມາດເປັນຜູ້ສະໝັກຊິງຕຳແໜ່ງນາຍົກລັດຖະມົນຕີຢູ່ ແຕ່ສະຖານະການໃນກອງປະຊຸມລັດຖະສະພາຍັງບໍ່ດີ ເນື່ອງຈາກມມີການຖົງຖຽງກັນ ໃນເລື່ອງຂໍ້ບັງຄັບການປະຊຸມວ່າຈະສາມາດສະເໜີຊື່ ພິທາ ໃຫ້ລັດຖະສະພາອີກຄັ້ງໄດ້ຫຼືບໍ່ ຫຼັງຈາກບໍ່ໄດ້ຮັບສຽງພຽງພໍໃນການປະຊຸມລັດຖະສະພາ ໃນວັນທີ 13 ກໍລະກົດ 2023.”
ແຫຼ່ງຂ່າວ Thairath