ພົບວັດຖຸຂະໜາດໃຫຍ່ຖືກພັດຂຶ້ນມາແຄມຝັ່ງທີ່ກຣີນເຮດ (Green Head) ຫ່າງຈາກເມືອງເພິດ ໃນລັດເວັສເທິນ ອົດສະຕຣາລີ 250 ກິໂລແມັດ ເຊິ່ງໄດ້ຮັບແຈ້ງໃນວັນທີ 16 ກໍລະກົດ ຜູ້ຊ່ຽວຊານກ່າວວ່ານີ້ອາດແມ່ນສ່ວນປະກອບຂອງຈະຫຼວດສຳຫຼວດອະວາກາດອິນເດຍ.
ສຳນັກຂ່າວ ABC Australia News ໄດ້ລາຍງານວ່າ: ພົບວັດຖຸລຶກລັບຊົງກະບອກສີທອງຂະໜາດໃຫຍ່ທີ່ເຮັດມາຈາກເຫຼັກ ໂດຍພົບວັດຖຸນີ້ຂຶ້ນຝັ່ງໃນກຣີນເຮດ (Green Head) ຫ່າງຈາກເມືອງເພິດ ໃນລັດເວັສເທິນ ອົດສະຕຣາລີ 250 ກິໂລແມັດ ແລະ ຖືກລາຍງານຕໍ່ຕຳຫຼວດຫຼັງຈາກການພັດຂຶ້ນແຄມຝັ່ງກ່ອນໜ້າໃຫ້ກັບ Jurien Bay.
ວັດຖຸດັ່ງກ່າວໄດ້ຮັບຄວາມເສຍຫາຍຢ່າງໜັກ, ຢ່າງໃດກໍຕາມ ຕຳຫຼວດລັດເວັສເທິນ ອົດສະຕຣາລີ ຢືນຢັນວ່າ ວັດຖຸນີ້ບໍ່ແມ່ນສ່ວນປະກອບຂອງເຮືອບິນມາເລເຊຍແອລາຍ MH370 ທີ່ສູນຫາຍໄປໃນ 2014 ຕາມການເລົ່າລືກັນ, ແຕ່ທາງເຈົ້າໜ້າທີ່ຍັງບໍ່ໝັ້ນໃຈວ່າວັດຖຸດັ່ງກ່າວແມ່ນຫຍັງແທ້ ແລະ ໄດ້ຈັດໃຫ້ເປັນວັດຖຸອັນຕະລາຍ.