ໃນວັນທີ 13 ກໍລະກົດ 2023 ທີ່ຜ່ານມາ, ຊຸດປະຕິບັດການທີມໝາດົມກິ່ນ ດ່ານກັກກັນສັດສະໜາມບິນສຸວັນນະພູມ ປະເທດໄທ ໄດ້ປະຕິບັດໜ້າທີ່ຢຶດ “ໄສ້ກອກໝູ” ຈຳນວນ 100 ອັນນ້ຳໜັກ 8.5 ກິໂລກຼາມ ລາຄາ 2000 ບາດ ຫຼື ປະມານ 1.114.000 ພັນກີບ ນຳເຂົ້າຈາກຕົ້ນທາງທີ່ສະໜາມບິນສາກົນ ເໝີຍລ່ານ ເມືອງໄຫໂຂ ປະເທດຈີນ.
ສ່ວນສາເຫດທີ່ບໍ່ສາມາດບໍລິໂພກໄດ້ເນື່ອງຈາກ ເປັນສິນຄ້າທີ່ມີຄວາມສ່ຽງປົນເປື້ອນ ເຊື້ອໂຣກລະບາດຂອງສັດເຊັ່ນ: ພະຍາດອະຫິວາອາຟຣິກາ (ASF) ເຊິ່ງຍັງບໍ່ໄດ້ຜ່ານການກວດຮັບຮອງສຸຂະອະນາໄມຈາກກົມປະຄຸສັດ ແລະ ຍັງບໍ່ໄດ້ອະນຸຍາດໃຫ້ນຳເຂົ້າປະເທດໄທ.
ທັງນີ້, ໂຣກລະບາດໃນໝູ ເຮັດໃຫ້ລາຄາໝູໃນຕະຫຼາດແພງຂຶ້ນເພາະໝູຕາຍ ແລະ ການນຳເຂົ້າຈະເກີດຄວາມສ່ຽງ ຕໍ່ການແພ່ເຊື້ອພະຍາດພາຍໃນປະເທດ, ເຊິ່ງກ່ອນໜ້ານີ້ກໍເກີດການລະບາດໃນຫຼາຍປະເທດເຊັ່ນ: ລາວ, ໄທ, ຈີນ ແລະ ຫວຽດນາມ.
ອ້າງອີງ: MGR Online