ໄທຊຸກຍູ້ເອົາ “ໝໍລຳ” ຂຶ້ນທະບຽນເປັນມໍລະດົກໂລກຂອງ UNESCO ຄາດວ່າຈະສຳເລັດໃນເດືອນທັນວາປີນີ້.
ໃນວັນທີ 19 ພຶດສະພາ 2023 ໄຊຍະວັດ ໄຊເວດພິສິດ ຮອງຜູ້ວ່າຈັງຫວັດຣ້ອຍເອັດ ປະເທດໄທ ເປັນປະທານການປະຊຸມເພື່ອຊຸກຍູ້ໝໍລຳໃຫ້ຂຶ້ນທະບຽນມໍລະດົກໂລກທາງວັດທະນາທຳທີ່ຈັບຕ້ອງບໍ່ໄດ້ ຂອງ UNESCO.
ໂດຍທາງຈັງຫວັດຣ້ອຍເອັດ ໄດ້ອະນຸມັດຄ່າໃຊ້ຈ່າຍໃນງົບປະມານບໍລິຫານງານ ເພື່ອສະໜັບສະໜູນໃນການຂຶ້ນທະບຽນໃນຄັ້ງນີ້ ເປັນຈຳນວນ 200.000 ບາດ.
ທຸກຝ່າຍຕົກລົງເຫັນດີ ເພື່ອເປັນການຮັກສາວັດທະນະທຳໃຫ້ຄົງຢູ່ ອີກທັງສາມາດສ້າງເສດຖະກິດເຕີບໃຫຍ່ໄດ້ດີ ແຕ່ຂັ້ນຕອນໃນການຂຶ້ນທະບຽນເປັນມໍລະດົກໂລກນັ້ນ ມີຫຼາຍຂະບວນການ ເຊິ່ງຈະຕ້ອງດຳເນີນເອກະສານເຖິງ 23 ຂັ້ນຕອນ ທີ່ຕ້ອງໃຊ້ເວລາພໍສົມຄວນ.
ທັ້ງນີ້ ກໍໄດ້ຕັ້ງເປົ້າໝາຍໃຫ້ສຳເລັດພາຍໃນເດືອນທັນວາ ປີ 2023 ຫຼື ຊ້າສຸດແມ່ນເດືອນມີນາ ປີ 2024.
ນອກນີ້ ກໍຍັງມີຫຼາຍຢ່າງທີ່ກຳລັງດຳເນີນການຂຶ້ນທະບຽນເປັນມໍລະດົກໂລກເຊັ່ນ ງານປະເພນີສົງການ, ມວຍໄທ, ຕົ້ມຍຳກຸ້ງ ແລະ ງານປະເພນີລອຍກະທົງ.
ແຫຼ່ງຂ່າວ ປະຊາທຸລະກິດ