spot_img
Homeຂ່າວຄວາມສະຫງົບຈຳຄຸກ ແລະ ປັບໃໝຜູ້ຄ້າຂາຍຢາເສບຕິດ

ຈຳຄຸກ ແລະ ປັບໃໝຜູ້ຄ້າຂາຍຢາເສບຕິດ

Published on

ວັນທີ 7 ກໍລະກົດ 2023 ສານປະຊາຊົນ ແຂວງອຸດົມໄຊ ໄດ້ຕັດສິນລົງໂທດຕັດສິນຕັດອິດສະລະພາບ ທ້າວ ໄຕຊິງ ຕໍ່ (ຈໍາເລີຍ) ຈໍານວນ 13 ປີ ພ້ອມທັງປັບໃໝ 105.000.000 ກີບ ໃນສະຖານຜະລິດຢາບ້າ, ຄ້າຂາຍຢາບ້າ ແລະ ມີຢາບ້າໄວ້ໃນຄອບຄອງ, ການມີຝິ່ນ ແລະ ແກ່ນຝິ່ນໄວ້ໃນຄອບຄອງ, ການມີເຄື່ອງຈັກໄວ້ຄອບຄອງ, ເຄື່ອງມື, ອຸປະກອບທີ່ຜະລິດຢາເສບຕິດ ແລະ ຮີບຢາບ້າ-ເຄື່ອງມືການຜະລິດ ເພື່ອໄປທໍາລາຍຖີ້ມ.

ເຊິ່ງໃນວັນທີ 16 ມິຖຸນາ 2022 ເຈົ້າໜ້າທີ່ ປກສ ແຂວງ ອຸດົມໄຊ ໄດ້ສືບຄົ້ນຫາເປົ້າໝາຍຜະລິດ, ຄ້າຂາຍຢາເສບຕິດສາມາດຮູ້ໄດ້ວ່າເຮືອນ ທ້າວ ໄຕຊິງ ຕໍ່ ຢູ່ບ້ານ ໂຮມສຸກ ເມືອງໄຊ, ແຂວງອຸດົມໄຊ, ໄດ້ຜະລິດ, ຄ້າ-ຂາຍຢາເສບຕິດ ຮອດເວລາ 9 ໂມງ ຂອງມື້ດຽວກັນ ຈຶ່ງໄດ້ເຂົ້າມ້າງຈຸດດັ່ງກ່າວ ດ້ວຍຮູບການເຂົ້າຈັບກຸມ ພ້ອມທັງກວດຄົ້ນເຄຫະສະຖານ (ເຮືອນ).

ຜ່ານການກວດຄົ້ນພົບເຫັນຢາບ້າຈຳນວນ 2 ຖົງ ມີ 455 ເມັດ, ນ້ຳໜັກ 45,1 ກຣາມ, ແປ້ງຝຸ່ນສີແດງຈໍານວນ 1 ຖົງ, ນ້ຳ ໜັກ 197 ກຼາມ, ແປ້ງຝຸ່ນສີຂາວ 2 ຖົງ, ນໍ້າໜັກ 1,4 ກິໂລກຣາມ, ແປ້ງຝຸ່ນສີຂາວ ຈຳນວນ 1 ປ່ອງ, ນ້ຳໜັກ 500 ກຣາມ, ຖົງຢາງສີຟ້າ ເພື່ອບັນຈຸຢາບ້າ (ຖົງເປົ່າ) 237 ຖົງ, ເຄື່ອງອັດຢາບ້າ ຈຳນວນ 1 ເຄື່ອງ (ອັດດ້ວຍມື).

ຝິ່ນ ຈຳນວນ 1 ກ້ອນ, ນໍ້າໜັກ 10,7 ກຣາມ, ແກ່ນຝິ່ນຈຳນວນ 1 ເປົ່າ, ນໍ້າໜັກ 11 ກິໂລກຣາມ, ເປືອກໝາກ ຝິ່ນແຫ້ງຈຳນວນ 5 ເປົ່າ, ນໍ້າໜັກ 17 ກິໂລກຣາມ ຢູ່ໃນເຮືອນ (ຫ້ອງຊັ້ນລຸ່ມ), ເຄື່ອງຈັກ ອັດຢາບ້າ ຈໍານວນ 1 ເຄື່ອງ, ຢູ່ໃນລົດ ກະບະ ປືນແບ່ງຈໍານວນ 1 ກະບອກ, ລູກປືນເບີຈໍານວນ 28 ລູກ ຢູ່ໃນເຮືອນ, ເງິນກີບ ຈຳນວນ 20.000.000ກີບ , ເງິນຢວນຈຳນວນ 9.800 ຢວນ ຢູ່ຕູ້ໄມ້ໃນເຮືອນ, ເງິນກີບຈຳນວນ 30.000.000 ກີບ ຢູຫ້ອງນອນ, ເງິນກີບຈຳນວນ 3.850.000 ກີບ ຢູ່ຖົງພາຍສີຂາວດໍາ ຢູ່ຫ້ອງນອນ, ເງິນກີບຈຳນວນ 8.000.000 ກີບ, ເງິນບາດຈຳນວນ 5.000 ບາດ, ເງິນໂດລາຈຳນວນ 1,505 ໂດລາ, ສາຍຄໍຄຳ ລາຍດູກໆຈຳນວນ 1 ເສັ້ນໜັກ 30 ກຼາມ, ໃບຕາດິນ 1 ໃບ ຢູ່ໃນຕູ້ເຊັບ.

ແຫຼ່ງຂ່າວ ຄວາມສະຫງົບ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...