ອີງຕາມການລາຍງານສຳນັກຂ່າວຊິນຫົວ ລາຍງານໃນວັນທີ 5 ກໍລະກົດ 2023 ຜ່ານມານີ້ວ່າ: ຝົນທີ່ຕົກຮອບຫຼ້າສຸດໃນເຂດເທດສະບານຄອງຊົົງຊິງ ທາງຕາເວັນຕົກສ່ຽງໃຕ້ຂອງປະເທດຈີນ ສົ່ງຜົນກະທົບໃນການໃຊ້ຊີວິດຂອງປະຊາຊົນຫຼາຍກວ່າ 130,000 ຄົນໃນ 19 ເຂດ ແລະ ເຮັດໃຫ້ມີຜູ້ເສຍຊີວິດຢ່າງນ້ອຍ 15 ຄົນ ແລະ ຫາຍສາບສູນອີກ 4 ຄົນ.
ທາງການຈີນໄດ້ອອກມາປະກາດເຕືອນໄພທີ່ຈະເກີດຂຶ້ນຈາກຝົນຕົກໜັກໃນພື້ນທີ່ພາກກາງ ແລະ ພາກຕາເວັນຕົກສ່ຽງໃຕ້ຂອງປະເທດ ນອກຈາກນີ້ ຂົວທາງລົດໄຟນອກຂອງນະຄອນຊົງຊິງ ຖືກລະງັບໃຊ້ໄປກ່ອນໜ້ານີ້ ໄດ້ເປ່ເພເນື່ອງຈາກໄດ້ຖືກນໍ້າໄຫຼລົງມາຈາກພູ.
ສຳນັກຂ່າວຊິນຫົວ ລາຍງານຕື່ມອີກວ່າ: ໃນເຂດເຊສວນ ມິຜູ້ໄດ້ຮັບຜົນກະທົບຈາກຝົນທີ່ຕົກໜັກຫຼາຍກວ່າ 460,000 ຄົນ ນັບຕັ້ງແຕ່ເຈົ້າສູ່ເດືອນກໍລະກົດ ແລະ ມີປະຊາຊົນຕ້ອງອົບພະຍົບອອກຈາກບ້ານອີກປະມານ 85,000 ຄົນ ໂດຍຄາດວ່າໃນອາທິດນີ້ ຈະມີນ້ຳໄຫຼຈາກພູເຂົາ ແລະ ມີເຫດດິນຖະຫຼົ່ມ ເກີດຂຶ້ນໃນບາງພ້ນທີ່ຂອງປະເທດ.
ທັງນີ້ເຫດນ້ຳຖ້ວມເກີດຂຶ້ນໃນຂະນະທີ່ຫຼາຍພື້ນທີ່ຂອງຈີນກຳລັງພົບກັບຄື້ນຄວາມຮ້ອນຮຸນແຮງທຸບສະຖິຕິ ໂດຍກົມອຸຕຸນິຍົມວິທະຍາແຫ່ງຊາດເພື່ອເຕືອນປະຊາຊົນຊາວປັກກິ່ງ ແລະ ພື້ນທີ່ອ້ອມຂ້າງໃຫ້ຢູ່ໃນແຕ່ບ່ອນຮົ່ມ ເນື່ອງຈາກອຸນນຫະພູມຈະເພີ່ມຂຶ້ນສູງເຖິງ 35 ອົງສາ.