ການປະຕິສົນທິຂອງໄຂ່ ຕ້ອງໃຊ້ເວລາ 9 ເດືອນ ໃນຂະນະທີ່ແມ່ຖືພາ ອາດມີຫຼາຍອາການເຊັ່ນ: ປວດຮາກ ຫາຍໃຈລຳບາກ ເຈັບຫຼັງ ແລະ ຕ້ອງລະວັງພາວະແຊກຊ້ອນຕໍ່ແມ່ ແລະ ລູກໃນທ້ອງ ເຊັ່ນ ເດັກນ້ອຍທີ່ເກີດຫຼັງຈາກຖືພາໄດ້ 6 ເດືອນ ຫຼື ໜ້ອຍກວ່ານັ້ນ ຖືວ່າເປັນການເກີດກ່ອນກຳນົດ ມີຄວາມສ່ຽງສູງທີ່ຈະເສຍຊີວິດ ຫຼື ພິການ, ອົງການອະນາໄມໂລກ ລະບຸວ່າມີເດັກນ້ອຍທີ່ເກີດກ່ອນກຳນົດ ເສຍຊີວິດແລ້ວ 900.000 ຄົນທົ່ວໂລກ ໃນປີ 2019, ເລື່ອງນີ້ຈຶ່ງກາຍເປັນເລື່ອງທ້າທາຍໃຫ້ແກ່ນັກວິໄຈ ໃຫ້ຫາວິທີປ້ອງກັນ ແລະ ແກ້ບັນຫາ.
ຫຼ້າສຸດ ສູນວິໄຈທາງການແພດ BCNatal ທີ່ປະເທດສະເປນ ຄົນຫາວິທີດ້ວຍການສ້າງມົດລູກທຽມ ເພື່ອຊ່ວຍເດັກນ້ອຍທີ່ເກີດກ່ອນກຳນົດ ໂດຍເຮັດພາຊະນະທີ່ຊ່ວຍໃຫ້ຮັກສາເດັກນ້ອຍໃນທ້ອງ ໄວ້ນອກຮ່າງກາຍແມ່ໄດ້ ເຊິ່ງເດັກນ້ອຍຈະຍັງຄືເກົ່າຢູ່ໃນສະພາບແວດລ້ອມໃນທ້ອງ ເຊັ່ນ ການຫາຍໃຈຜ່ານສະບື ປ້ອນອາຫານຜ່ານສາຍສະບືໄດ້.
ທີມວິໄຈ ໄດ້ສຶກສາກ່ອນການທົດສອບທາງຄຮີນິກກັບລູກແບ້ ພົບວ່າປະສົບຄວາມສຳເລັດໃນການລອດຊີວິດຂອງເດັກນ້ອຍໃນທ້ອງ 12 ມື້ ທີມຍັງວາງແຜນທີ່ຈະທົບສອບກັບໝູອີກດ້ວຍ ກ່ອນທີ່ຈະສະເໜີການທົດລອງກັບຄົນໃນອີກບໍ່ເທົ່າໃດປີ.
ແຫຼ່ງຂ່າວ ຣອຍເຕີ