ໃນວັນທີ 28 ມິຖຸນາ 2023 ເຈົ້າໜ້າທີ່ ປກສ ເມືອງຍົມມະລາດ ແຂວງຄຳມ່ວນ ເປີດເຜີຍວ່າ: ໄດ້ມ້າງແກ້ງລັກລົດຈັກ ໄດ້ 4 ຄົນ ພ້ອມລົດເກັບກູ້ລົດຈັກ 19 ຄັນ, ສ່ວນທີ່ເຫຼືອສົ່ງຂາຍຕ່າງແຂວງ.
ໃນຊ່ວງເດືອນຕຸລາ ປີ 2022 ປກສ ເມືອງຍົມມະລາດ ໄດ້ຮັບແຈ້ງຄວາມຈາກຜູ້ເສຍຫາຍມີຈຳນວນຫຼາຍຄັ້ງ ຜ່ານການຕິດຕາມຊອກຫາ ໄດ້ຂຶ້ນບັນຊີເປົ້າໝາຍຫຼັກ, ທີ່ເປັນຫົວໂປ່ໂຕການຢູ່ກຸ່ມບ້ານເໝືອງ ເມືອງຍົມມະລາດ ມີເປົ້າໝາຍ 2 ຄົນ.
ຈາກນັ້ນ ວັນທີ 19 ພຶດສະພາ 2023 ໄດ້ກັກຕົວ ທ້າວ ສະໝາມໄຊ (ກະຕູ່) ອາຍຸ 21 ປີ ບ້ານເໝືອງ ມາຂະຫຍາຍຜົນ ຈຶ່ງຮູ້ໄດ້ວ່າຜູ້ຮ່ວມຂະບວນການມີ 3 ຄົນ ຮອດ 31 ພຶດສະພາ 2023 ກັກຕົວທ້າວ ໜູນຄຳ ອາຍຸ 22 ປີ ບ້ານເໝືອງ ທ້າວ ຊ້າງ ອາຍຸ 20 ປີ ບ້ານນາໂຊກ ແລະ ທ້າວ ຄຳຫຼ້າ ອາຍຸ 21 ປີ ບ້ານນາກາຍໃຕ້ ເມືອງນາກາຍ.
ພ້ອມທັງເກັບກູ້ ເຄື່ອງຂອງກາງ ລົດຈັກ ຄືນມາໄດ້ຈຳນວນ 19 ຄັນ ສ່ວນທີ່ບໍ່ທັນເກັບກູ້ຄືນໄດ້ພວກກ່ຽວໄດ້ຂາຍໄປຕ່າງແຂວງຈຳນວນໜຶ່ງ.
ແຫຼ່ງຂ່າວ ຫ້ອງການ ຖວທ ເມືອງຍົມມະລາດ
