ໜ່ວຍງານຍາມຝັ່ງຂອງສະຫະລັດເປີດເຜີຍວ່າ: ສາມາດເກັບກູ້ຊາກເຮືອດຳນ້ຳໄທທັນ ທີ່ປະສົບອຸບັດຕິເຫດລະເບີດຈາກແຮງບີບອັດໃນທະເລທີ່ເລິກເຖິງ 4 ກິໂລແມັດ ຂະນະທີ່ລົງໄປຊົມຊາກເຮືອໄທທານິກໃນອາທິດທີ່ຜ່ານມາ, ແລະ ຍັງຄົ້ນພົບຊິ້ນສ່ວນທີ່ຄາດວ່າຈະເປັນຮ່າງກາຍມະນຸດໃນຊາກເຮືອດຳນ້ຳໄທທັນ.
ໜ່ວຍງານຍາມຝັ່ງກ່າວວ່າ: ເຮືອດຳນ້ຳ ໄທທັນ ລຳນີ້ໄດ້ຖືກນຳຂຶ້ນຝັ່ງເມື່ອວັນທີ 28 ມິຖຸນານີ້ ຕາມເວລາທ້ອງຖິ່ນ ແລະ ຈະຖືກນຳກັບຄືນສູ່ສະຫະລັດ, ສຳລັບຊິ້ນສ່ວນເຫຼົ່ານີ້ຈະເປັນຫຼັກຖານສຳຄັນໃນການສືບສວນສາເຫດຂອງການລະເບີດຂອງເຮືອດຳນ້ຳ.
ຫຼັກຖານດັ່ງກ່າວຈະຊ່ວຍໃຫ້ຜູ້ສືບສວນຈາກສານລະຫວ່າງປະເທດຫຼາຍແຫ່ງ ໄດ້ຮັບຂໍ້ມູນທີ່ສຳຄັນກ່ຽວກັບສາເຫດທີ່ພາໃຫ້ເກີດການລະເບີດໃນຄັ້ງນີ້, ພ້ອມຍັງມີວຽກທີ່ຫຼາຍໃນດ້ານການພິສູດເພື່ອໃຫ້ຮູ້ເຖິງປັດໃຈທີ່ນໍາໄປສູ່ການສູນເສຍເຮືອດຳນ້ຳ ໄທທັນ ແລະ ຊ່ວຍໃຫ້ແນ່ໃຈວ່າເຫດການດັ່ງກ່າວຈະບໍ່ເກີດຂຶ້ນອີກ.
ທັງນີ້, ຊາກເຮືອດຳນ້ຳໄທັທັນ ທີ່ບິດບ້ຽວໄດ້ຖືກນຳຂຶ້ນຝັ່ງຢູ່ທີ່ທ່າເຮືອ ເຊັນຈອນ ໃນລັດນິວຟັນແລນ ແລະ ລາບາດໍ ຂອງການາດາ ຈະເປັນກຸນແຈເພື່ອແກ້ໄຂຄວາມລຶກລັບຂອງການເສຍຊີວິດຂອງຜູ້ໂດຍສານທັງ 5 ຄົນຢູ່ເທິງເຮືອດໍານໍ້າໄທທັນ.
ແຫຼ່ງຂ່າວ: ABC News