ເຈົ້າໜ້າທີ່ມຸກດາຫານສາມາດຍຶດເຄື່ອງສຳອາງທີ່ລັກລອບສົ່ງມາລາວມູນຄ່າຫຼາຍກວ່າ 300.000ບາດ.
ໃນວັນທີ 22 ມິຖຸນາ 2023 ຕາມການລາຍງານໄດ້ຮູ້ວ່າ: ເຈົ້າໜ້າທີ່ໄທໄດ້ຮັບແຈ້ງວ່າມີການລັກລອບສົ່ງສິນຄ້າສົ່ງອອກ ໄປຫາລາວ ທີ່ບໍລິເວນແຄມຝັ່ງແມ່ນ້ຳຂອງ ຈັງຫວັດມຸກດາຫານ ປະເທດໄທ ຈຶ່ງໄດ້ມີການປະສານເຈົ້າໜ້າທີ່ສະຖານີເຮືອມຸກດາຫານ ແລ້ວລົງພື້ນທີ່ຕາມທີ່ໄດ້ຮັບແຈ້ງ.
ຫຼັງລົງຕິດຕາມໄດ້ບໍ່ດົນ ເຈົ້າໜ້າທີ່ກໍໄດ້ພົບກຸ່ມຊາຍຈຳນວນ 3-4 ຄົນ ກຳລັງຂົນເຄື່ອງຈາກລົດບັນທຸກໄປໃສ່ໃນເຮືອນ້ອຍ ທີ່ຈອດຖ້າຢູ່ແຄມຝັ່ງ, ເຈົ້າໜ້າທີ່ຈຶ່ງໄດ້ມີການເຂົ້າສະແດງໂຕເພື່ອກວດສອບ ເມື່ອກຸ່ມຊາຍດັ່ງກ່າວ ແລະ ຄົນຂັບເຮືອເຫັນເຈົ້າໜ້າທີ່ ພວກກ່ຽວກໍໄດ້ພາກັນໂດດລົງນ້ຳຂອງເພື່ອຫຼົບໜີ.
ຈາກການກວດສອບສິ່ງຂອງທີ່ຍຶດມາໄດ້ພົບສິນຄ້າອຸປະໂພກ, ບໍລິໂພກ, ເຄື່ອງສຳອາງ ຈຳນວນ 28 ກ່ອງ, ຢາງລົດໃຫຍ່ທີ່ໃຊ້ແລ້ວຈຳນວນ 29 ເສັ້ນ ແລະ ເຮືອເຫຼັກພ້ອມເຄື່ອງຈັກທີ່ສາມາດບັນທຸກສິນຄ້າໄດ້ປະມານ 30 ໂຕນ ມູນຄ່າລວມຫຼາຍກວ່າ 300.000ບາດ.
ແຫຼ່ງຂ່າວ mgronline