ການແຂ່ງຂັນເຕະບານຊາຍ ຮຸ່ນອາຍຸບໍ່ເກີນ 17 ປີ ຊິງແຊ້ມອາຊີ 2023 ຮອບສຸດທ້າຍ ເປັນທີ່ແນ່ນອນແລ້ວສຳລັບ U17 ທີມຊາດລາວ ຕົກຮອບແບ່ງກຸ່ມເປັນທີ່ຮຽບຮ້ອຍ ພາຍຫລັງເສຍໃຫ້ U17 ປະເທດເຢເມນ 2-1 ປະຕູ, ສ່ວນການແຂ່ງຂັນອີກຄູ່ ທີມຊາດໄທ (ເຈົ້າພາບ) ຊະນະ ທີມຊາດມາເລເຊຍ U17 ມາເລເຊຍ 3-0 ປະຕູ.

ຜົນການແຂ່ງຂັນ ທີມຊາດລາວ ພັບກັບ ທີມຊາດເຢເມນ ຊິງແຊ້ມອາຊີ 2023 ຮອບສຸດທ້າຍ ໃນວັນທີ 18 ມິຖຸນາ 2023 ຜ່ານມາ, ໂດຍທີມຊາດລາວ ໄດ້ປະຕູຈາກ: ເບີ 19 ພູສົມບູນ ປັນຍາວົງ ນາທີ 55′ ສ່ວນທີມຊາດເຢເມນ ໄດ້ປະຕູຈາກ: ເບີ 18 ADEL ນາທີ 28, ເບີ 3 Anwar ( Pen ) ນາທີ 75′

ສຳລັບຜົນງານ U17 ທີມຊາດລາວ ແລະ ມາເລເຊຍ ແຂ່ງ 2 ນັດເສຍ 2 ນັດລວດ ຕົກຮອບແນ່ນອນແລ້ວ, ສ່ວນ ໄທ ແລະ ເຢເມັນ ຊະນະ 2 ນັດລວດ ເຂົ້າຮອບ 8 ທີມສຸດທ້າຍຕໍ່ໄປ, ສ່ວນນັດສຸດທ້າຍຂອງກຸ່ມ A ມາເລເຊຍ ພົບ ລາວ ແລະ ໄທ ພົບ ເຢເມັນ ຈະແຂ່ງຂັນວັນທີ 21 ມິຖຸນາ 2023.