ຄົນສະໜິດຄິດບໍ່ຊື່! ລັກເງິນໄປໄດ້ເກືອບ 30 ລ້ານກີບ ແລະ ແຫວນເພັດ 1 ວົງ

0
18413

ໃນວັນທີ 13 ມິຖຸນາ 2023 ມີຜູ້ໃຊ້ເຟສບຸກທ່ານໜຶ່ງອອກມາໂພສເຕືອນໄພ ກ່ຽວກັບຄົນສະໜິດ ລັກເງິນຈຳນວນ 20-30 ລ້ານກີບ ທີ່ຢູ່ພາຍໃນລົດ ພ້ອມກັບແຫວນເພັດ ຈຳນວນ 1 ວົງ.

ໃນມື້ເກີດເຫດ ຜູ້ເສຍຫາຍ ແລະ ຜູ້ກໍ່ເຫດຊື່ ນາງ ໜູນິ້ມ ອຸດທະພອນ ກິນດື່ມນຳກັນ ເມື່ອຜູ້ເສຍຫາຍເມົາແລ້ວຜູ້ກໍ່ເຫດກໍຈັບເອົາກະແຈລົດມາ ເພື່ອມາໄຂລັກເຄື່ອງພາຍໃນລົດໄປ ໃນຕອນທຳອິດຜູ້ເສຍຫາຍໄດ້ຮູ້ວ່າ ມີເງິນຈຳນວນ 20-30 ລ້ານກີບ ທີ່ເສຍໄປ, ມາໃນວັນທີ 16 ມິຖຸນາ ຜູ້ເສຍຫາຍກໍໂພສຜ່ານເຟສບຸກຕື່ມອີກວ່າ: ກ່ອນມື້ເກີດເຫດລັກເງິນໃນລົດ ຜູ້ກ່ຽວກໍໄດ້ລັກແຫວນເພັດຈຳນວນ 1 ວົງ, ເມື່ອຖາມເຄັ້ນຫາຄວາມຈິງ ໃນທີ່ສຸດຜູ້ກ່ຽວໄດ້ສາລະພາບວ່າລັກເອົາແທ້.

ຈາກການສອບຖາມຄົນໃກ້ຄຽງທີ່ຮູ້ຈັກ ກໍໄດ້ຮູ້ຕື່ມອີກວ່າ ຜູ້ກ່ຽວເປັນຄົນຂີ້ລັກ ມັກຈະລັກເງິນ ຫຼື ຊັບສິນຕ່າງໆຂອງໝູ່ ແລະ ຜູ້ທີ່ໄປນຳຢູ່ເລື່ອຍໆ.