U17 ທິມຊາດລາວ ເສຍ ທີມຊາດໄທ 1-2 ປະຕູ ໃນການແຂ່ງຂັນ U17 ຊິງແຊ້ມອາຊີ 2023 ຮອບສຸດທ້າຍ ທີ່ປະເທດໄທ ຈັດຂຶ້ນໃນລະຫວ່າງວັນທີ 15 ມິຖຸນາ ຫາວັນທີ 2 ກໍລະກົດ 2023, ກຸ່ມ A ມີ: ໄທ (ເຈົ້າພາບ), ເຢເມນ, ມາເລເຊຍ ແລະ ລາວ.

ຜົນການແຂ່ງຂັນທີມຊາດໄທໄດ້ປະຕູຂຶ້ນນຳຈາກ ເບີ 19 ດັດຊະດີ ໃນນາທີ 12′ ແລະ ເບີ 10 ຊາໂນໄທ ໃນນາທີ 90+5′ ສຳລັບທີມຊາດລາວໄຕ່ປະຕູຕີໄຂ່ແຕກໂດຍເບີ 10 ປີເຕີ້ ພັນທະວົງ ນາທີ 26′ ສ່ວນອີກຜົນການແຂ່ງຂັນ 1 ຄູ່: ເຢເມນ ຊະນະ ມາເລເຊຍ ​4-0.

– ນັດທີ 2 ຈະຈັດໃນວັນ​ທີ 18 ມິຖຸນາ 2023 ເວ​ລາ 17:00 ໂມງ ທີມຊາດລາວ ພົບ ເຢ​ເມນ ​ທີ່​ສະ​ຫນາມ​ ​ທຳ​ມະ​ສາດ ແລະ ໄທ ພົບ ມາເລເຊຍ ​ທີ່​ສະ​ຫນາມ​ ປະ​ທຸມ​ທາ​ນີ.
– ນັດທີ 3 ວັນ​ທີ 21 ມິຖຸນາ2023 ເວລາ 17:00 ໂມງ ໄທ ພົບ ເຢເມນ ທີ່​ສະ​ຫນາມ​ ປະ​ທຸມ​ທາ​ນີ ແລະ ເວ​ລາ 19:00 ໂມງ ທີມຊາດລາວ ພົບ ມາ​ເລ​ເຊຍ ແຂ່ງ​ຂ​ັນ​ຢູ່​ທີ່​ສະ​ຫນາມ​ ທຳ​ມະ​ສາດ