Homeຂ່າວພາຍ​ໃນເຈົ້າໜ້າທີ່ໄທຈັບແກ້ງຄ້າຢາເສບຕິດທີ່ໜີຂ້າມນ້ຳຂອງມາຈາກລາວ

ເຈົ້າໜ້າທີ່ໄທຈັບແກ້ງຄ້າຢາເສບຕິດທີ່ໜີຂ້າມນ້ຳຂອງມາຈາກລາວ

Published on

ເຈົ້າໜ້າທີ່ຝັ່ງລາວປະສານກັບຝັ່ງໄທເພື່ອຈັບກຸມແກ້ງຄ້າຢາເສບຕິດທີ່ຍິງກັນເຈັບ ກ່ອນທີ່ຈະນັ່ງເຮືອໜີຂ້າມນ້ຳຂອງເຂົ້າມາໂຮງໝໍຢູ່ຊຽງລາຍ ປະເທດໄທ ພ້ອມກຽມສົ່ງໂຕຜູ້ຖືກຫາໃຫ້ແກ່ເຈົ້າໜ້າທີ່ຝັ່ງລາວຢູ່ແຂວງບໍ່ແກ້ວ.

ເຈົ້າໜ້າທີ່ຊາຍແດນລາວ-ໄທ ທາງດ້ານ ແຂວງຊຽງລາຍ ປະເທດໄທ ໄດ້ລາຍງານວ່າ: ພາຍຫຼັງເກີດເຫດຕໍ່ສູ້ກັນຂອງກຸ່ມໃດໜຶ່ງໃນເຂດເມືອງຕົ້ນເຜິ້ງ ແຂວງບໍ່ແກ້ວ ກົງກັນຂ້າມກັບ ເມືອງຊຽງແສນ ແຂວງຊຽງລາຍ ປະເທດໄທ ໃນຊ່ວງອາທິດກ່ອນນີ້ ໄດ້ມີຊາຍ 1 ຄົນ ເຊິ່ງຖືກຍິງຈົນໄດ້ຮັບບາດເຈັບສາຫັດ ແລ້ວນັ່ງເຮືອໜີຂ້າມນ້ຳຂອງມາຮັກສາຢູ່ໂຮງໝໍຊຽງແສນ ແລະ ຫຼ້າສຸດຖືກສົ່ງຕົວໄປຮັກສາຢູ່ໂຮງໝໍຊຽງລາຍ.

ທັ້ງນີ້ ຜູ້ບາດເຈັບຊື່ ທາ້ວ ໄຊ ແຊ່ຫວ່າງ ອາຍຸ 28 ປີ ທີ່ຢູ່ເມືອງຕົ້ນເຜິ້ງ ຖືກຍິງເຂົ້າລຳຄໍ ເຊິ່ງໝໍໄດ້ຮັກສາຕາມຫຼັກສິດທິມະນຸດ ຂະນະທີ່ທ້າວ ໄຊ ແຈ້ງກັບເຈົ້າໜ້າທີ່ເບື້ອງຕົ້ນວ່າ ຫຼັງຈາກທີ່ໄປດື່ມເຫຼົ້າມາແລ້ວ ຂະນະກັບບ້ານກໍຖືກຄົນລັດຍິງ ແລະ ຫຼັງຈາກເກີດເຫດ ໄດ້ມີໝູ່ 2 ຄົນ ພານັ່ງເຮືອຂ້າມມາຮັກສາຢູ່ຝັ່ງໄທຢ່າງຮີບດ່ວນ.

ຢ່າງໃດກໍຕາມ ຕໍ່ມາ ເຈົ້າໜ້າທີ່ແຂວງບໍ່ແກ້ວ ໄດ້ມີໜັງສືເຖິງສ່ວນງານປະຈຳເຂດຊາຍແດນລາວ-ໄທ ຢູ່ພາກເໜືອຂອງໄທ ເພື່ອຂໍໃຫ້ຕິດຕາມເປົ້າໝາຍຢາເສບຕິດ ຄື ທາ້ວ ໄຊ ແຊ່ຫວ່າງ, ໂດຍລະບຸວ່າ ທາ້ວ ໄຊ ໄດ້ຮັບບາດເຈັບແລ້ວຂ້າມມາຮັກສາຢູ່ຝັ່ງໄທ ດັ່ງນັ້ນ ຈຶ່ງຂໍໃຫ້ເຈົ້າໜ້າທີ່ໄທກັກຕົວທ້າວ ໄຊ ໄວ້ກ່ອນ ເພາະເປັນເປົ້າໝາຍທີ່ເຈົ້າໜ້າທີ່ ສປປ ລາວ ຕ້ອງການຕົວ.

ແລະຂໍໃຫ້ເຈົ້າໜ້າທີ່ຝັ່ງໄທ ສົ່ງທ້າວ ໄຊ ກັບ ສປປ ລາວ ເພື່ອສືບສວນ-ສອບສວນ ແລະ ດຳເນີນຄະດີຕາມລະບຽບກົດໝາຍ.

ແຫຼ່ງຂ່າວ mgronlin

ບົດຄວາມຫຼ້າສຸດ

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...