ວັນທີ 14 ມິຖຸນາ 2023 ຈາກກໍລະນີ “ລີໂອເນລ ເມສຊີ” ນັກເຕະຊື່ດັງດີກຣີແຊ້ມໂລກ ທີ່​ໄດ້​ເດີນທາງ​ໄປ​ຈີນ ເພື່ອເຂົ້າຮ່ວມໂປແກຣມອຸ່ນເຄື່ອງ FIFA Day ລະຫວ່າງທີມຊາດອາເຈນຕິນາ ພົບກັບ ທີມຊາດອົດສະຕຣາລີ ໃນວັນທີ 15 ມິຖຸນານີ້, ແຕ່ມີບັນຫາເລື່ອງວີຊ່າ ຈຶ້ງຖືກກັກຕົວ ທີ່ອ້ອມ​ຮອບ​ໄປ​ດ້ວຍ​ເຈົ້າ​ຫນ້າ​ທີ່​ຕໍາ​ຫຼວດ​.

ຫຼ້າສຸດມີລາຍງານວ່າ “ເມສຊີ” ຖືໜັງສືຜ່ານແດນອາເຈນຕິນາ ແລະ ເເອສປາຍໂຍນ ເມສຊີໄດ້ເດີນທາງໄປປະເທດຈີນດ້ວຍຫນັງສືຜ່ານແດນແອສປາໂຍນ ຊຶ່ງ​ຖ້າ​ໄປ​ຈີນ​ຕ້ອງ​ມີ​ວີ​ຊ່າ ແຕ່​ຖ້າ​ເຂົ້າ​ໄຕ້​ຫວັນ​ບໍ່​ຕ້ອງ​ມີ​ວີ​ຊ່າ ເຊິ່ງ ເມສຊີ ບໍ່ໄດ້ຍື່ນຂໍວີຊ່າເຂົ້າປະເທດຈີນ ເນື່ອງຈາກເຂົ້າໃຈ​ຜິດ​ວ່າ​ໄຕ້​ຫວັນ​ເປັນ​ສ່ວນ​ໜຶ່ງ​ຂອງ​ຈີນ. ຍ້ອນວ່າໄຕ້ຫວັນມີຊື່ທາງການວ່າສາທາລະນະລັດຈີນ ຫຼື The Republic of China (ROC), ໃນຂະນະທີ່ຈີນມີຊື່ຢ່າງເປັນທາງການວ່າສາທາລະນະລັດປະຊາຊົນຈີນ ຫຼື The People’s Republic of China (PRC), ເຮັດໃຫ້ ເມສຊີ ຕ້ອງລໍຖ້າຢູ່ສະໜາມບິນເພື່ອ 2 ຊົ່ວໂມງເພື່ອເຮັດວີຊ່າແບບດ່ວນ.