ສຳນັັກຂ່າວເກົາຫຼີເໜືອ ໄດ້ລາຍງານວ່າ: ຄິມຈອງອຶນ ຜູ້ນຳເກົາຫຼີເໜືອ ປະກາດວ່າຈະຮ່ວມມືກັບ ວະລາດິເມຍ ປູຕິນ ປະທານາທິບໍດີຂອງຣັດເຊຍ ແລະ ສົ່ງເສີມຄວາມຮ່ວມມືທາງຍຸດທະສາດໃນເປົ້າໝາຍຮ່ວມກັນໃນການສ້າງໃຫ້ປະເທດມີອິດທິພົນ.
ຜູ້ນຳ ຄິມຈອງອຶນ ກ່າວໃນຂໍ້ຄວາມເຖິງປູຕິນ ເນື່ອງໃນວັນຊາດຣັດເຊຍ ໄດ້ປົກປ້ອງການຕັດສິນໃຈຂອງປູຕິນ ທີ່ຮຸກຮານຢູເຄຣນ ແລະ ສະແດງການສະໜັບສະໜູນຢ່າງເຕັມທີ່ ແລະ ສະແດງຄວາມເປັນນ້ຳໜຶ່ງໃນດຽວກັນກັບຣັດເຊຍ.
ຄິມຈອງອຶນ ກ່າວວ່າ: ແນ່ນອນວ່າຄວາມຍຸດຕິທຳຈະຊະນະ ແລະ ປະຊາຊົນຣັດເຊຍຈະຍັງເພີ່ມກຽດເຂົ້າໄປໃນປະຫວັດສາດແຫ່ງໄຊຊະນະຕໍ່ໄປ.
ຜູ້ນຳເກົາຫຼີເໜືອໄດ້ຮຽກຮ້ອງໃຫ້ມີຄວາມຮ່ວມມືທາງຍຸດທະສາດທີ່ຈະຮັດແໜ້ນກັບຣັດເຊຍ ໂດຍຈະຮ່ວມມືກັບປະທານາທິບໍດີ ປູຕິນ ໃຫ້ສອດຄ່ອງກັບຄວາມປາຖະໜາຮ່ວມກັນຂອງປະຊາຊົນທັງສອງປະເທດ ເພື່ອບັນລຸເປົ້າໝາຍອັນຍິ່ງໃຫຍ່ໃນການສ້າງປະເທດໃຫ້ມີອິດທິພົນ.