ອີງຕາມ ສຳານັກຈ່າວ ບີບີຊີ ລາຍງານໃນວັນທີ 10 ມິຖຸນາ 2023 ທີ່ຜ່ານມາ, ໄດ້ພົບເດັກນ້ອຍ 4 ຄົນທີ່ຫຼົງປ່າດົນກວ່າ 1 ເດືອນແບບປະຕິຫານ, ຫຼັງຈາກເກີດເຫດເຮືອບິນຂອງພວກເຂົາຕົກໃນປ່າອາເມຊອນ ເຊິ່ງພວກເຂົາທັງ 4 ເປັນອ້າຍນ້ອງດຽວກັນເຊິ່ງມີອາຍຸ: 13ປີ, 9ປີ, 4ປີ ແລະ 1 ປີ ທີ່ໂດຍສານເຮືອບິນມາກັບແມ່ ໂດຍເຮືອບິນເຊັດຊະນາ 206 ເຊິ່ງມີນັກບິນ ແລະ ຜູ້ຊ່ວຍ.

ເຫດເຮືອບິນຕົກເກີດຂຶ້ນຕັ້ງແຕ່ວັນທີ 1 ພຶດສະພາ 2023 ຜ່ານມາ, ລະຫວ່າງການເດີນທາງຈາກເມືອງອະຣາຣາກວາຣາ ໄປຫາ ເມືອງຊານ ໂຊເຊເດວ ກວາວິອາເຣ, ພາຍຫຼັງທະຫານຫຼາຍກວ່າ 200 ຄົນ ແລະ ສະມາຊິກຊຸມຊົນກວ່າ 70 ຄົນ ໄດ້ເຂົ້າຄົ້ນຫາ ດ້ວຍການຍ່າງປ່າ ຕັ້ງແຕ່ມື້​ທີ 1 ຫຼັງ​ຈາກ​​ຄົ້ນ​ພົບ​ຊາກ​ສົບ ​ຂອງ​ຜູ້​ໃຫຍ່ ຕໍ່ມາໃນວັນທີ 16 ພຶດສະພາ 2023 ຈຶ່ງໄດ້ຂໍກຳລັງເສີມເພື່ອເຂົ້າຊ່ວຍໃນການຄົ້ນຫາອີກ 60 ຄົນ​​ຖືກ​ສົ່ງຜ່ານທາງ​ອາ​ກາດໂດຍເຣລິຄອບເຕີ.

ຫຼ້າສຸດກໍ່ໄດ້ພົບເດັກນ້ອຍທັງ 4 ຄົນທີ່ຫຼົງປ່າຫ່າງຈາກຈຸດທີ່ເຮືອບິນຕົກ 3.5 ກິໂລແມັດ ໂດຍເບື້ອງຕົ້ນເຈົ້າໜ້າທີ່ພົບວ່າເດັກນ້ອຍມີອາການຂາດນ້ຳ, ອາຫານ ແລະ ຖືກຍຸງກັບແມງໄມ້ກັດຍ່າງຮຸນແຮງ ທາງເຈົ້າໜ້າທີ່ຈຶ່ງນຳສົ່ງຕົວເດັກນ້ອຍທັງ 4 ຄົນໄປໂຮງໝໍໂດຍໄວທີ່ສຸດ.

ທີ່ມາ: ບີບີຊີ