ກຳປູເຈຍກຳລັງກໍ່ສ້າງທາງດ່ວນເສັ້ນທີ 2 ເຊື່ອມໄປຮອດຫວຽດນາມ.

ໃນວັນທີ 7 ມິຖຸນາ ທີ່ຜ່ານມາ, ກຳປູເຈຍຈັດພິທີວາງສີລາຈາລຶກເພື່ອເປີດໂຄງການກໍ່ສ້າງທາງດ່ວນເສັ້ນທີ 2 ເຊິ່ງຈະເຊື່ອມແຕ່ນະຄອນຫຼວງພະນົມເປັນໄປເຖິງສາຍແດນພາກຕາເວັນອອກຂອງຫວຽດນາມ ໂດຍການເປັນປະທານຂອງ ສົມເດັດ ຮຸນເຊັນ ນາຍົກລັດຖະມົນຕີກຳປູເຈຍ.

ເສັ້ນທາງດັ່ງກ່າວແມ່ນໂຄງການ China Bridge and Road Corp ພາຍໃຕ້ສັນຍາກໍ່ສ້າງ-ດຳເນີນການ ແລະ ສຳປະທານ 50 ປີ, ເປັນເສັ້ນທາງໄປຫາເມືອງບາເວດ (Bavet city) ໃນແຂວງສວາຍຮຽງ (Svay Rieng province) ລວມຄວາມຍາວ 135ກິໂລແມັດ ຄາດວ່າຈະໃຊ້ເວລາ 4 ປີ ດ້ວຍງົບ 1.35ພັນລ້ານໂດລາສະຫະລັດ.

ທາງດ່ວນທີ່ກຳລັງຈະກໍ່ສ້າງນີ້ແມ່ນເສັ້ນທາງສາຍທີ 2, ເຊິ່ງທາງດ່ວນທຳອິດແມ່ນຕັ້ງແຕ່ນະຄອນພະນົມເປັນ ຫາ ສິຫານຸ (Phmom Penh-Sihanou) ທີ່ຫາກໍເປີດນຳໃຊ້ໄປໃນປີທີ່ຜ່ານມາ ແລະ ເຊື່ອມຕໍ່ເມືອງຫຼວງກັບທ່າເຮືອຫຼັກຂອງໄທ.

ແຫຼ່ງຂ່າວ: The Mainichi