ວັນທີ 8 ມິຖຸນາ 2023 ເວລາປະມານ 13:49 ນາທີ ຜ່ານມາ, ເກີດເຫດໂຈນບຸກປຸ້ນຮ້ານຄຳພໍໃຈ ທີ່ບ້ານທົ່ງສາງນາງ ເມືອງຈັນທະບູລີ ນະຄອນຫຼວງວຽງຈັນ.
ຕາມການທີ່ຮ້ານຄຳພໍໃຈເຄີຍໂພສໄວ້ວ່າ: ກ່ອນໜ້ານີ້ ໂຈນເຄີຍມາສຳຫຼວດເບິ່ງຮ້ານເຖິງ 2 ຄັ້ງ ແລ້ວແຕ່ກໍບໍ່ໄດ້ລັກຫຍັງ ເນື່ອງຈາກຄົນໜ້າຮ້ານມີຈຳນວນຫຼາຍ, ຕໍ່ມາມື້ນີ້ ໂຈນຜູ້ເກົ່າກໍເຂົ້າມາບຸກປຸ້ນເອົາຄຳໄປໄດ້, ອີງຕາມການສັງເກດລັກສະນະຄົນ ແລະ ກະເປົາທີ່ພາຍມາ.
ເຫດການນີ້ ສິ່ງທີ່ເສຍຫາຍແມ່ນ ຄຳ 54 ບາດ, ປະຕູ ແລະ ຕູ້ແກ້ວແຕກ ແລະ ພະນັກງານໄດ້ຮັບບາດເຈັບເລັກໜ້ອຍ.
ຫຼ້າສຸດ, ທາງເຈົ້າຂອງຮ້ານຄຳໄດ້ອອກມາເຄື່ອນໄຫວຜ່ານສື່ສັງຄົມອອນລາຍ ແລະ ໄດ້ຕັ້ງລາງວັນນຳຈັບຄົນຮ້າຍທີ່ກໍ່ເຫດ ມູນຄ່າ 100.000.000 ລ້ານກີບ ແລະ ແຖມຄຳທີ່ຄົນຮ້າຍລັກໄປນ້ຳໜັກ 54 ບາດ ໃຫ້ອີກຟຣີໆ ຖ້າແມ່ນໃຜຮູ້ເບາະແສ ຫຼື ສາມາດຈັບຕົວຜູ້ກໍ່ເຫດໄດ້.
ຢ່າງໃດກໍຕາມ ເຫດການນີ້ຫຼາຍຄົນຕັ້ງຂໍ້ສັງເກດວ່າມັນແມ່ນໂຈນຄົນເກົ່າຄົນເດີມທີ່ເຄີນກໍ່ເຫດປຸ້ນຕໍ່ເນື່ອງຢູ່ຮ້ານຄໍາຢູ່ຕະຫລາດສີໄຄ, ຮ້ານວິວມໍ ຂໍໃຫ້ເຈົ້າໜ້າທີ່ສາມາດນຳຈັບຄົນຮ້າຍມາດຳເນີນຄະດີຕາມກົດໝາຍໃຫ້ໄດ້.