ຕາມການລາຍງານ ມູນນິທິຊ່ວຍເຫຼືອຜູ້ປະສົບໄພ ແຂວງຄຳມ່ວນ ໃນວັນທີ 06 ມິຖຸນາ 2023 ເວລາ 15:10 ນາທີ ເຈົ້າໜ້າທີ່ກູ້ໄພໄດ້ຮັບແຈ້ງເຫດເຂົ້າໝາຍເລກສຸກເສີນ ວ່າມີຄົນພົບສົບຊາຍປິດສະໜາເສຍຊີວິດ ໃນປ່າແຫ່ງ 1 ຢູ່ທາງເຂົ້າບ້ານ ມ່ວງໄຂ່ ເມືອງ ໜອງບົກ ແຂວງ ຄຳມ່ວນ.
ຈາກນັ້ນເຈົ້າໜ້າທີ່ທີມກູ້ຊີບ-ກູ້ໄພແຂວງຄຳມ່ວນ ໄດ້ອອກກວດສອບເຫດພົບຜູ້ເສຍຊີວິດ 01 ຄົນ ເພດຊາຍ ອາຍຸປະມານ 40ປາຍປີສະພາບສົບມີການເນົ່າເປື່ອຍ ປະມານ 3-4 ວັນ ສົບທີ່ເສຍຊີວິດຢູ່ໃນຂັ້ນຕອນຂອງເຈົ້າໜ້າທີ່ເພື່ອສືບສວນ-ສອບສວນ ຂອງການເສຍຊີວິດ ແລະ ສົບໄດ້ເກັບຮັກສາໄວ້ທີ່ໂຮງເຢັນ “ ໂຮງໝໍແຂວງຄຳມ່ວນ “
CR: ມູນນິທິຊ່ວຍເຫຼືອຜູ້ປະສົບໄພ ແຂວງຄຳມ່ວນ