ໃນວັນທີ 6 ມິຖຸນາ 2023 ນີ້ສຳນັກຂ່າວຕ່າງປະເທດລາຍງານວ່າ: ເກີດເຫດສະເທືອນຂວັນ ເຂື່ອນໂນວາຄາຄອຟກາ ເຂື່ອໃຫຍ່ທາງພາກໃຕ້ຂອງຍູເຄຣນຖືກລະເບີດ ເປັນເຫດໃຫ້ເຂື່ອນບາງສ່ວນແຕກ ໄດ້ຮັບຄວາມເສຍຫາຍ ຈົນເຮັດໃຫ້ນ້ຳຈຳນວນມະຫາສານຈາກອ່າງເກັບນ້ຳເທິງເຂື່ອນ ໄຫຼລົງຖ້ວມສະໜາມຮົບລຫວ່າງ ຍູເຄຣນ ແລະ ຣັດເຊຍ ຂະນະທີ່ສອງຝ່າຍຕ່າງກ່າວໂທດຝ່າຍກົງກັນຂ້າມທີ່ຖີ້ມລະເບີດໃນບໍລິເວນນີ້.
ຈາກຄລິບວີດີໂອທີ່ເຜີຍແຜ່ທາງສື່ສັງຄົມອອນລາຍ ສະແດງໃຫ້ເຫັນເຫດການທີ່ຮ້າຍແຮງວ່າມີການຖິ້ມລະເບີດຢ່າງໜັກຮອບເຄື່ອນໂນວາຄາຄອຟກາ ເຊິ່ງກັ້ນແມ່ນ້ຳດານີໂປ ແລະ ມີອີກຄລິບວີດີໂອໜຶ່ງທີ່ເຜີຍໃຫ້ເຫັນ ວ່າມີນ້ຳຈຳນວນຫຼາຍທີ່ໄຫຼອອກມາຈາກບໍລິເວນເຂື່ອນແຕກ ຈົນເຮັດໃຫ້ຜູ້ຄົນທີ່ເຫັນຕ່າງຕົກໃຈ ແລະ ຕ່າງເວົ້າໃຫ້ກັນວ່າມັນເກີດຂຶ້ນຍ້ອນສົງຄາມ.
ທັງນີ້, ເຂື່ອນໂນວາຄາຄອຟກາ ຫຼື ເອີ້ນວ່າເຄື່ອນຄາຄອຟກາ ຢູ່ໃນພາກພື້ນເຄີຊອນ ທາງພາກໃຕ້ຂອງຍູເຄຣນ ໄດ້ຖືກຝ່າຍຣັດເຊຍຍຶດຄອງໄດ້ຕັ້ງແຕ່ຕອນເລີ່ມເຮັດສົງຄາມໃນຍູເຄຣນເມື່ອປີ 2022 ແຕ່ຕ້ອງຕົກເປັນເປົ້າໝາຍຖືກໂຈມຕີຢ່າງຕໍ່ເນື່ອງ.
ທີ່ມາ: ABC News.