ສຳນັກຂ່າວຕ່າງປະເທດລາຍງານ ເມື່ອວັນທີ 3 ມິຖຸນາ 2023 ຜ່ານມາ, ເກີດອຸບັດຕິເຫດຮຸນແຮງທີ່ອິນເດຍ ຫຼັງລົດໄຟສາຍດ່ວນຕົກລາງ ແລະ ຕຳເຂົ້າກັບລົດໄຟອີກຂະບວນທີ່ແລ່ນສວນມາ ຫຼ້າສຸດຍອດຜູ້ເສຍຊີວິດຢ່າງນ້ອຍ 288 ຄົນ ບາດເຈັບອີກປະມານ 900 ຄົນ (ແຕ່ຄາດວ່າຍອດຜູ້ເສຍຊີວິດຈະເພີ່ມຂຶ້ນອີກ) ອຸບັດຕິເຫດຄັ້ງນີ້ກາຍເປັນອຸບັດຕິເຫດທາງລົດໄຟຄັ້ງທີ່ຮ້າຍແຮງທີ່ສຸດໃນຮອບກວ່າ 20 ປີ ແລະ ໂຫດຮ້າຍທີ່ສຸດເປັນຄັ້ງທີ 3 ໃນປະຫວັດສາດອິນເດຍ.

ທ່ານ ປະທີບ ເຈນາ ລັດຖະມົນຕີຂອງລັດ ໂອດິສາ (Odisha) ເປີດເຜີຍວ່າ: ເຫດການຄັ້ງນີ້ຢູ່ໃນພຶ້ນທີ່ຂອບເຂດເບລາເຊີ ຂອງລັດໂອດິສາ ທາງການໄດ້ລະດົມລົດໂຮງໝໍກວ່າ 200 ຄັນ ແລະ ເຈົ້າໜ້າທີ່ແພດກວ່າ 180 ຄົນ, ໜ່ວຍແພດເຄື່ອນທີ່ 45 ໜ່ວຍ ເຂົ້າໄປໃນທີ່ເກີດເຫດລຳລຽງຜູ້ບາດເຈັບສົ່ງໂຮງໝໍບໍລິເວນໃກ້ຄຽງ ນອກຈາກນີ້ຍັງມີເົ້າໜ້າທີ່ດັບໄຟ ແລະ ໝາດົມກິ່ນຈຳນວນຫຼາຍເຂົ້າໃຫ້ການຊ່ວຍເຫຼືອ.