ໃນວັນທີ 23 ພຶດສະພາ 2023 ຜ່ານມາ, ທີມງານກວດກູ້ລະເບີດເພື່ອມະນຸດສະທຳກອງທັບ (ກອງ 58) ໄດ້ຈັດພິທີຈູດທຳລາຍລະເບີດບໍ່ທັນແຕກທີ່ຕົງຄ້າງແຕ່ປາງສົງຄາມ. ໂດຍມີຄະນະກຳມະການຄຸ້ມຄອງລະເບີດບໍ່ທັນແຕກທີ່ຕົກຄ້າງ ຂັ້ນແຂວງ-ຂັ້ນເມືອງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ໃນໂອກາດດັ່ງກ່າວທ່ານ ພັຕ ສອນສີ ບູລິໄຕ ວິຊາການກວດກູ້ ແລະ ທຳລາຍລະເບີດເພື່ອມະນຸດສະທຳກອງທັບໄດ້ໃຫ້ສຳພາດວ່າ: ລະເບີດບົ່ມບີ່ 250 ປອນ ແມ່ນພົບຢູ່ທີ່ບ້ານ ໂພນສະຫວາດ ເມືອງກາສີ ເຊີ່ງທາງທີມງານໄດ້ເຄື່ອນຍ້າຍມາທຳລາຍຢູ່ສະໜາມບ້ານນາຊູ (ເຂດລ້ອງໝາກໝີ້) ເມືອງກາສີ ແຂວງວຽງຈັນ.
ສຳລັບການທຳລາຍແມ່ນຮັບປະກັນຄວາມປອກໄພໄດ້ 100%, ນອກຈາກນີ້ກໍ່ໄດ້ມີປະຊາຊົນຜູ້ທີ່ທຳການຜະລິດໃນເຂດດັ່ງກ່າວໄດ້ພົບເຫັນລະເບີດປະເພດບົ່ມບີ່ ຈໍານວນ 1 ລູກທາງທີມງານກໍ່ໄດ້ແກ້ໄຂ ແລະ ທຳລາຍກັບທີ່ໄດ້ສຳເລັດ ພ້ອມນີ້ທ່ານກໍຍັງໄດ້ກ່າວສະແດງຄວາມຂອບໃຈມາຍັງຜູ້ທີ່ໃຫ້ທຶນກໍ່ຄືອົງການໄຂ່ວກ໋າ, ອົງການສະຫະປະຊາຊາດ ແລະ ອົງການ ຄຊກລ ທີ່ສະໜັບສະໜູນດ້ານທຶນຮອນໃນການຈັດຕັ້ງປະຕິບັດໜ້າທີ່ໃຫ້ມີຜົນສຳເລັດ.
ແຫຼ່ຂ່າວ: ຫ້ອງການຖະແຫຼ່ງຂ່າວເມືອງ ກາສີ ແຂວງວຽງຈັນ