ເມືອງຊໍາໃຕ້ ຫ້ອງການ ຊສ ເມືອງ ອອກແຈ້ງການກ່ຽວກັບການຫ້າມບໍລິໂພກປາ ຫຼື ກີນປາ ທີ່ຕາຍຈາກການຕາຍບໍ່ຮູ້ສາຍເຫດຢູ່ຕາມສາຍນໍ້າຊໍາໃນປະຈຸບັນ.
ອີງຕາມ: ຂໍ້ຕົກລົງຂອງທ່ານເຈົ້າເມືອງສະບັບເລກທີ 103/ຈມ. ລົງວັນທີ 12 ມີນາ2023ວ່າດ້ວຍການຈັດຕັ້ງ ແລະ ການເຄື່ອນໄຫວຂອງຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມເມືອງ.
ອີງຕາມ:ບົດບັນທຶກກອງປະຊຸມທາງດ້ານວິຊາການຂອງເມືອງກັບບໍລິສັດກໍ່ສ້າງເຂື່ອນໄຟຟ້ານໍ້າຊາ3 ແລະ ຜົນ ການລົງກວດກາຢູ່ພາກສະຫນາມຂອງທີມງານຫ້ອງການກ່ຽວຂ້ອງຂອງເມືອງຄັ້ງວັນທີ 22 ພຶດສະພາ 2023.
ອີງຕາມ ການເນາະນໍາຂອງຄະນະຫ້ອງການສາທາລະນາສຸກເມືອງ ແລະ ການນໍາເມືອງຄັ້ງວັນທີ່ 22 ພືດສະພາ
2023.
ຫ້ອງການ ຊັບພະຍາກອນທໍາມະຊາດ ແລະ ສິ່ງແວດລ້ອມເມືອງຊໍາໃຕ້ຂໍຖືເປັນກຽດ ແຈ້ງການເຖິງພະນັກ ງານ, ທະຫານ, ຕໍາຫຼວດ ຕະຫຼອດຮອດພໍ່ແມ່ປະຊາຊົນບ້ານຢູ່ລຽບຕາມສາຍນໍ້າຊໍາ ແລະ ບັນດາບ້ານໃກ້ຄຽງ ໃນ ທົ່ວເມືອງຊໍາໃຕ້ ແຂວງຫົວພັນຮັບຊາບວ່າ: ໃນຕອນເຊົ້າຂອງວັນທີ 22 /5/2023 ເຊິ່ງໄດ້ຮັບແຈ້ງຈາກປະຊາຊົນ ບ້ານດ່ານໄຊ ເມືອງວຽງໄຊ. ໄດ້ພົບເຫັນປ່າຕາຍຈໍານວນຫຼວງຫຼາຍເຊີງມີເຫດການຈາກຈຸດກໍ່ສ້າງເຂື່ອນໄຟຟ້ານໍ້າ 3. ປາຈໍານວນດັ່ງກ່າວແມ່ນໄຫຼລົງຕາມສາຍນໍ້າເຊີ່ງບໍ່ຮູ້ສາຍເຫດປະກົດການແບບນີ້ແມ່ນບໍ່ເຄີຍເກີດຂື້ນມາ ກ່ອນ. ໃນປະຈຸບັນເຈົ້າຫນ້າທີ, ພາກສ່ວນກ່ຽວຂ້ອງກໍາລັງເລັ່ງຊອກຫາສາຍເຫດ ແລະ ນໍາປາດັ່ງກ່າວໄປວິໄຈຫາ ສານຜິດທີ່ກໍ່ໃຫ້ເກີດການຕາຍຂອງປາ. ເພາະສະນັ້ນຫາມທຸກພາກສ່ວນ, ພໍ່ ແມ່ປະຊາຊົນນໍາເອົາປາທີ່ໃນຂອບເຂດ ດັ່ງກ່າວມາບໍລິໂພກ ແລະ ຫ້າມ ຊື້-ຂາຍ.
ດັ່ງນັ້ນ, ຈົງປະກາດແຈ້ງການມາຍັງທ່ານເພື່ອຊາບ ແລະ ພ້ອມກັນຈັດຕັ້ງ ປະຕິບັດຢ່າງເຂັ້ມງວດດ້ວຍ.