ສປ ຈີນ ຄົ້ນພົບແຮ່ຄຳ ປະມານ 580 ໂຕນ ໃນມົນທົນຊານຕົງ ທີ່ມີມູນຄ່າຫຼາຍກວ່າ 200 ຕື້ຢວນ.

ເມື່ອບໍ່ດົນມານີ້ ສຳນັກຂ່າວທ້ອງຖິ່ນຂອງຈີນ ໄດ້ລາຍງານວ່າ ມີການກວດພົບແຫຼ່ງແຮ່ຄຳຄັ້ງຫຼ້າສຸດທີ່ເໝືອງຄຳຊີຫຼິງ (Xiling) ໃນເມືອງໄຫຼໂຈວ ມົນທົນຊານຕົງ ສປ ຈີນ ເຮັດໃຫ້ປະລິມານໂລຫະທອງຄຳປະສົມໃນເໝືອງແຫ່ງນີ້ ມີປະມານ 580 ໂຕນ ເຮັດໃຫ້ກາຍເປັນເໝືອງຄຳທີ່ໃຫຍ່ທີ່ສຸດຂອງ ສປ ຈີນ.

ຈາກແຕ່ກ່ອນ ມີການພົບທອງຄຳສະສົມປະມານ 380 ໂຕນເທົ່ານັ້ນ ແຕ່ກົມຊັບພະຍາກອນທຳມະຊາດຂອງມົນທົນຊານຕົງ ຫາກໍຄົ້ນພົບແຫຼ່ງທອງຄຳເພີ່ມອີກ 200 ໂຕນ ລວມເປັນ 580 ໂຕນ ມີມູນຄ່າປະມານ 200 ຕື້ຢວນ ຫຼື ປະມານ 500.000 ຕື້ກີບ.