Homeຂ່າວຕ່າງປະເທດຝູງເຜິ້ງລຸມຕອດເສຍຊີວິດ 6 ຄົນທີ່ປະເທດນິກາຣາກົວ

ຝູງເຜິ້ງລຸມຕອດເສຍຊີວິດ 6 ຄົນທີ່ປະເທດນິກາຣາກົວ

Published on

ສຳນັກຂ່າວຕ່າງປະເທດລາຍງານໃນວັນທີ 11 ພຶດສະພາ 2023 ນີ້ວ່າ, ເມື່ອຊ່ວງຕົ້ນອາທິດຜ່ານມາເກີດເຫດການ ລົດເມບັນທຸກຜູ້ໂດຍສານກວ່າ 60 ຄົນ  ເສຍຫຼັກຕົກລົງໃນພູເຂົາເລິກກວ່າ 50 ແມັດ ທີ່ປະເທດນິກາຣາກົວ ໃນຂະນະກຳລັງເດີນທາງຈາກເມືອງຈິໂນເຕກາ ໄປຫາ ເມືອງຊານ ເຊບາສຕຽນ ເດ ຍາລີ.

ເຫດການດັ່ງກ່າວ, ຜູ້ໂດຍສານທຸກຄົນລອດຊີວິດຈາກເຫດເຂົາຕົກຈາກພູເຂົາມາໄດ້, ແຕ່ໂຊກຮ້າຍເນື່ອງຈາກລົດເມໄດ້ຕົກລົງໄປໃນໄຮ່ກາເຟ ເຊິ່ງເປັນທີ່ຢູ່ຂອງເຜິ້ງນ້ຳຫວານ ອາຟຣິກາ (Africanized honey bee) ຈຳນວນຫຼວງຫຼາຍ, ເຮັດໃຫ້ຝູງເຜິ້ງຈຳນວນຫຼາຍລຸມຕອດຜູ້ໂດຍສານ ຈົນມີຜູ້ເສຍຊີວິດ 6 ຄົນ, 1 ໃນນັ້ນມີເດັກນ້ອຍຜູ້ຍິງອາຍຸ 8 ປີ.

ທັງນີ້ ເຜິ້ງນ້ຳຫວານ ອາຟຣິກາ ຮູ້ຈັກກັນໃນຊື່ ເຜິ້ງເພັດຊະຄາດ ເປັນລູກປະສົມລະຫວ່າງ ເຜິ້ງນ້ຳຫວານຕາເວັນຕົກ (Apis mellifera) ກັບ ເຜິ້ງນ້ຳຫວານ ອາຟຣິກາຕາເວັນອອກ (A. m. scutellata) ທີ່ເກີດຂຶ້ນໃນການທົດລອງ ທີ່ປະເທດບຣາຊິວ ເມື່ອຫຼາຍ 10 ປີກ່ອນ ເພື່ອເພີ່ມການຜະລິດນ້ຳເຜິ້ງ, ແຕ່ເຜິ້ງເພັດຊະຄາດ 26 ຝູງຫຼຸດຈາກສະຖານທີ່ກັກກັນໃນບຣາຊິວເມື່ອປີ 1957 ນັບແຕ່ນັ້ນມາພວກມັນກໍແຜ່ກະຈາຍໄປທົ່ວອາເມຣິກາໃຕ້ ກ່ອນເດີນທາງໄປຮອດ ອາເມຣິກາເໜືອ ໃນປີ 1985 ແລະ ຖືກພົບໃນສະຫະລັດເປັນຄັ້ງທຳອິດໃນອີກ 5 ປີຕໍ່ມາ.

ທີ່ມາ: foxnews

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...