ນັບແຕ່ປີ 2023 ຮອດປະຈຸບັນ ລັດວິສາຫະກິດໄຟຟ້າລາວ ສາຂາໄຟຟ້ານະຄອນຫຼວງ2 ທີ່ຂຶ້ນກັບ ຝ່າຍຄຸ້ມຄອງລະບົບໄຟພາກກາງ ໄດ້ກວດພົບເຫັນຄົນລັກໃຊ້ໄຟຟ້າ ແລ້ວ 32 ຄົນ ປະກອບມີປະເພດກະສິກໍາເພື່ອການຄ້າ ຈໍານວນ 1 ລູກຄ້າ, ປະເພດທີ່ຢູ່ອາໄສ ຈໍານວນ 18 ລູກຄ້າ, ປະເພດທຸລະກິດຄ້າຂາຍທົ່ວໄປ ຈໍານວນ 3 ລູກຄ້າ, ບິດຄອຍ ຈໍານວນ 7 ລູກຄ້າ ແລະ ປະເພດອຸດສາຫະກໍາ ຈໍານວນ 3 ລູກຄ້າ ຊຶ່ງເຫດດັ່ງກ່າວໄດ້ສ້າງຄວາມເສຍຫາຍຫຼາຍກວ່າ 100 ຕື້ກວ່າກີບ ທຽບໃສ່ປີ 2022 ເພີ່ມຂຶ້ນ 70 ຕື້ກວ່າກີບ.
ການລັກໃຊ້ໄຟດັ່ງກ່າວແມ່ນມີຫຼາຍຮູບແບບ ບໍ່ວ່າຈະເປັນການລັກຕໍ່ຕົງ, ລັກດັດແປງຂໍ້ມູນ, ລັກດັດແປງພາຍນອກ, ລັກຊ໋ອດສາຍ CT-VT ແລະ ນໍາໃຊ້ເຄື່ອງມືທັນສະໄໝເຂົ້າໃນການດັດແປງອຸປະກອນໝໍ້ນັບໄຟ ແລະ ອື່ນໆ.
ແຫຼ່ງຂາ່ວ ລັດວິສາຫະກິດໄຟຟ້າສາຂານະຄອນຫຼວງ2