ອີງຕາມສຳນັກຂ່າວ ຮອຍເຕີ ລາຍງານໃນວັນທີ 6 ເດືອນພຶດສະພາ 2023 ຜ່ານມາ, ເກີດເຫດກາດຍິງໃນສູນການຄ້າທີ່ມີຜູ້ຄົນໜາແໜ້ນ ຢູ່ທີ່ທາງພາກເໜືອຂອງເມືອງດໍລັດ (Dallas), ລັດເທັກຊັສ, ສະຫະລັດອາເມຣິກາ ເຫດການດັ່ງກ່າວເຮັດໃຫ້ມີຜູ້ເສຍຊີວິດຢ່າງນ້ອຍ 8 ຄົນ ແລະ ບາດເຈັບອີກຫຼາຍຄົນ ສ່ວນຜູ້ກໍ່ເຫດຖືກເຈົ້າໜ້າທີ່ຕຳຫຼວດຍິງເສຍຊີວິດ.
ທ່ານ ໄບອັນ ຣາວີ ຜູ້ບັນຊາກາຍຕຳຫຼວດເມືອງອັນເລນ ກ່າວໃນງານຖະແຫຼງຂ່າວດຽວກັນວ່າ: ຄົນຮ້າຍໄດ້ຢ່າງມາຕາມທາງກ່ອນເປີດສາກກາດຍິງ ດ້ານນອກສູນການຄ້າ ແຕ່ເຈົ້າໜ້າທີ່ຍັງບໍ່ຊາບແຮງຈູງໃຈໃນການລົງມືຄັ້ງນີ້, ທາງໜ່ວຍກູ້ໄພນຳຜູ້ຖືກຍິງທີ່ໄດ້ຮັບບາດເຈັບຢ່າງນ້ອຍ 9 ຄົນ ສົ່ງໂຮງໝໍໃນຫຼາຍແຫ່ງໃນບໍລິເວນໃກ້ຄຽງກັບຈຸດເກີດເຫດ, ຕາມລາຍງານລະບຸຕື່ມອີກວ່າ: ຜູ້ບາດເຈັບ 2 ຄົນເສຍຊີວິດທີ່ໂຮງໝໍ, 3 ຄົນບາດເຈັບສາຫັດ ແລະ ອີກ 4 ຄົນ ແມ່ນອາການຄົງທີ່ແລ້ວ.
ຢ່າງໃດກໍຕາມເຫດການກາດຍິງຜູ້ຄົນຈຳນວນຫຼາຍກາຍເປັນເຫດການທີ່ພົບໄດ້ທົ່ວໄປໃນອາເມຣິກາສະເພາະໃນປີນີ້ເກີດຂຶ້ນຢ່າງນ້ອຍ 198 ຄັ້ງ ຊຶ່ງຖືວ່າຫຼາຍທີ່ສຸດໃນຊ່ວງເວລາດຽວກັນຂອງປີນັບຈາກປີ 2016.